تبع معاية مزيااان تعرف العجب🇪🇦🇨🇵🇲🇦💔💥 ماكرون يخرج بتصريح من مدريد فيه تصعيد واضح وقال على أن نزوح المهاجرين على سبتة هو هجوم على إسبانيا واعتبر الأمر هجوما متعدد الأبعاد... علاش ؟ أولا باش يبعد عليه الشبهات أو التهمة لي حصلها عليه المغرب متلبس بها....تانيا قرا لتحت 👇👇 الملك نصره الله كيلغي الزيارة ليكانت مقررة لفرنسا مع عدم ذكر توقيت الزيارة بشكل واضح، علاش؟ لأن الهدهد كيخبرنا بلي فرنسا هي لي دفعت إسبانيا للخروح بداك قرار القضاء ديال إسبانيا لي كيخص أي حراگ دخل سباحة لسبتة ماغاديش يرجعوهم إلى رجعنا شوية للماضي القريب كان المغرب كل ما قربات تسالي مدة شي إتفاقية مع الإتحاد الأوربي كتخرج الأحزاب الإسبانية أو دوك الجمعيات الموالية لنظام عبلة🇩🇿 باحتجاحات ورفع لافتات فيما يخص قضية الصحراء المغربية علاش؟ كورقة ضغط على النغرب باش يقبل باش ماعطا الله بدون شروط، علاش فرنسا لي دارت هاد الخطة مع إسبانيا؟ سمع مزيان فرنسا أولا دائما كانت كتلعب هاد الدور مع الإتحاد الأوربي، ولا عرفتو شوية فبعض التحركات ديال فرنسا فراه دارت نفس الدور بين أوربا والصين فقرار تايلاند وهي لي شعلت العوافي مع أمريكا بهاذ الفعلة، وغير مؤخرا راها هي لي جمعت دول حلف الناتو باش يضربو روسيا أو يرسلو قوات حفظ السلام بعيدا عن دور واشنطن.. ماعليناش فقرار الإتحاد الأوربي قبل سنوات فإلغاء إتفاقية الصيد البحري مع المغرب بسبب قضية الصحراء المغربية ولي خرجات بهاد القرار محكمة العدل الأوربية، الأخبار كتقول بلي فرنسا هي لي اقتارحت هاد المخطط على دول الإتحاد الأوربي، علاش ؟لأن آنذاك. كانت واشنطن علنات الإعتراف التاريخي ديالها وكان خاص الإتحاد الأوربي يتوجه لشي جمعية محمية فالقانون الدولي وهادي هي التخويرة لي تخورو كاملين لأن مقبرة الملفات والمسائل القانونية فأوربا هي محكمة العدل،أي ملف تحط فمحكمة العدل مابقاش عندك الحق نسحبو حتا تسالي التقارير، وهادشي ريبو ليهم المغرب فاش قال ليهم : مشكلكم مع محكمة العدل حلوه معاها وأجيو عندي أنا ماعندي دخل فيكم لأنه بعدما المغرب عطاهم بالضهر بداو دول كهلندا وبلجيكا وحتا روسيا كيتفاوضو مع المغرب على إتفاقية الصيد البحري تنائية خارج إطار الإتحاد الأوربي هنا فرنسا حسات بالشمتة الملف واحل فمحكمة العدل الأوربية والمغرب بايع شبابو غالي، ومشكل السمك رجع غالي فأوربا، ودول أوربية كتحمل فرنسا المسؤولية الكاملة فهادشي شنو عدير فرنسا؟؟ بدات كتقلب على ورقة ضغط أخرى باش تخرح راسها وتخرح أوربا من مشكل مع المغرب لي كانو باغين زعمة يلويو ليه يدو كيف العادة الساعة لقاو راسهم غير مازاجو وحلوها، ويالي طامع فالزيادة رد بالك من النقصان ماكرون ومعاه رئيسة المفوضية قنعو إسبانيا باش يحولو الرادار لسبتة ومليلية مادام قضية الصحراء حسم فيها مجلس الأمن بصفة نهائية إسبانيا ديما هي لي كتلعب دور بهلوان السرك لأوربا بحكم التاريخ الإستعماري لي باقي لليوم والقرب الجغرافي، وخرجات بداك القرار من داخل القضاء الإسباني بطلب من فرنسا ومشاو جابو ديك البنية صورو معاها على أساس هي دخلت سباحة لسبتة، باش يهيجو الهروي عندنا ويسوقو للعالم أن المغرب عندو مشاكل فالتحكم فالحدود ديالو وهو بلد غير مؤهل باش يكل مشاكل الهجرة ويسحبو منو تمويل أوربي مشترك بينا وبين إسبانيا حول الحد من الهجرة الغير النظامية، ولي كانو كيتسناوه هوا ان المغرب يخرج للخراگة بالهراوة وتزيد تشعل القضية ولكن المغرب وبما أن للبيت رب يحميه جات الأخبار على بكري، والمغرب دار خدمة نقية وگاليهم كاليو جيهتكم وخلا الحراكة يدخلو من الجهة ديالو، هنا ماتو الناس فالمياه التابعة لسبتة،وخرج المجتمع الدولي كيعاتب على إسبانيا علاش تخرج بداك القرار لي خلا الناس بسبابو تموت فالبحر، ودول مثل إيطاليا هددات بإيقاف العمل بفيزا شينغن بسبب الأوضاع لي حط فيها راسو بورقعة🇪🇦وسانشيز خرج كيبكي على أوربا باش ميخليوش شي مشكل بحال هذا يشتتهم المهم لا فرنسا ولا إسبانيا وصلو لداكشي لي بغاو واخا صعدو بقرارات غبية وراني شرحتها فبوسط من قبل، لكن المغرب فايق بيهم فرنسا تسالاو ليها أوراق الضغط ومابقاش ليها شي حل مع المغرب باش ترجع فتح ملف إتفاقية الصيد لي تقريبا حيدها المغرب من بالو، فمشات لملفات قضائية لمغاربة بحال سعد لمجرد لي فيقات ليه الضوسي فوقت حساس وعطاتو عقوبة مايتصورهاش العقل وبدون أدلة،وجبدو ملف رشيدة ذاتي وعلاقتها بمصنع رونو المغرب، وحاليا راهم كيفيقو فملف أشرف حكيمي كذلك كورقة ضغط بعدما فقدو كل خيط يخلي المغرب يتقرب منهم فالإتفاقيات سواء ديال الصيد البحري ولا حتا إتفاقيات تزويد أوربا بالخضر والفواكه ولي بعض الشركات الإسبانية وقفو التعامل مع المغاربة بطلب من فرنسا شخصيا وهنا راه القضية عندهم حصلت بالمعقول لأنه بعض المنتوجات وصلت الأثمنة فيهم خيالية - @chamariiii