@633_f: تدري شنو أعمق أنواع الموت؟ مو لما ينبض قلبك للمرة الأخيرة، بل لما يستمر بالنبض وأنت تتنفس، بس روحك من الداخل أصبحت مجرد رماد. تعبت... تعبت تعب السنين كلها اللي انجمعت بصدري دفعة واحدة. هذا مو مجرد تعب جسد تحلّه نومة أو استراحة ساعتين، هذا تعب روح، تعب قلب شايل من الظيم والهمّ والغمّ ما تحمله الجبال. صرت أحس بصسد ثقيل ينكسر ويا كل خطوة يخطيها، وعقل ما يسكت من التففكير، وحزن ساكن بالأعماق أعمق من إن ينحكى أو يفهمه أحد. وصلت لمرحلة الروح الميتة بداخل جسد عايش بالاسم فقط. أصحى كل يوم وأني أسأل نفسي: ليش بعدني أقاوم؟ ولشنو منتظر؟ تمثيل القوة أمام الناس صار أثقل عليّ من المأساة نفسها. تعبت من كلمة "أنا بخير" والابتسامة الباهتة اللي أرسِمها على وجهي بس حتى أخلّص نفسي من أسئلتهم، بينما كل جزء بيا من الداخل قاعد يتهدّم ويتهاوى بالخفاء. صرت أمشي بين العالم وكأني غريب عنهم وعن نفسي. لا الفرح يلمس قلبي، ولا العتب ينفع، ولا حتى الوجع صار يوجع مثل الأول... لأن المكان اللي كان ينوجع بيا أصلاً مات وانطفى. مات الشغف، راحت اللهفة، وركدت الأيام بوجي صامت وفراغ يتبعه فراغ. أصعب شي بالدنيا لما تعيش معركة طاحنة ويا نفسك كل يوم، تحاول بس تجمع شوية طاقة حتى تكمل اليوم وتعدّيه، وأنت تعرف إن بكرة راح يكون نفس الشيء. الروح استسلمت وغادرت من زمان، وما بقى غير هذا الجسد يتنقل بين الأيام مثل الهامش، ينبض بس حتى يثبت للناس إنه بعده على قيد الحياة. #باسم_الكربلائي #جليل_الكربلائي #فاقد_الموسوي

مِاناسيـكِ.

Open In TikTok:

Region: IQ

Thursday 01 October 2026 15:12:52 GMT