1991-2026 жылдары Орталық Азияның халқы ең көп қалалары қалай өзгерді? Рейтинг Орталық Азияның бес еліндегі қалалар бойынша қолжетімді деректерге негізделген. Әр сәтте халқы ең көп 10 қала көрсетіледі, бүкіл кезеңде ондыққа 15 түрлі қала кіреді. Тарихи қатар жыл басындағы халық санына негізделген. 1404 жылдық мәннің 715-і жарияланған дерек, 689-ы есептік баға. Жетіспейтін жылдар тірек нүктелер арасында сызықты есептелді. Кадрлар арасындағы үздіксіз өзгеріс анимация үшін жасалған, орын ауыстыру мерзімдері жуық. Финалға 01.10.2026 күні тексерілген соңғы деректер қосылды. Қалалардың есептік күндері әртүрлі: Астана, Алматы, Шымкент үшін 01.09.2026; Бишкек пен Ош үшін 01.08.2026; Өзбекстан қалалары, Қазақстанның қалған қалалары және Душанбе үшін 01.07.2026. 34 қаланың жарияланған көрсеткіші жаңартылды. Түрікменстанның төрт қаласы мен Хуҷанд үшін бұрынғы есептік бағалар сақталды. 2026 жылғы Aşgabat: 1 085 000 адам, есептік баға. Соңғы расталған санақ: 17.12.2022 күні 1 030 063 адам. Түрікмен қалаларының 2023-2026 бағалары қала үлесі тұрақты деген жорамалмен БҰҰ-ның елдік өсімі арқылы есептелді. Өзбекстанның ағымдағы қатарына 2026 жылғы санақтың түпкілікті нәтижелері әлі енгізілмеген. Қалалар дереккөздегі әкімшілік шекарасымен алынған, кейбір қатарларға қала әкімшілігіне қарайтын елді мекендер кіреді. Шекара, санақ және есептеу әдісінің өзгеруі өсімге әсер етеді. Қазіргі атаулар әр елдің мемлекеттік тілінде, қазіргі тулар бүкіл кезеңде қолданылды. Соңғы карточка халық санының абсолют өсімі бойынша алғашқы 10 қаланы көрсетеді. Есеп: 2026 жылғы соңғы саннан 1991 жылғы санды шегеру. Бұл пайыз емес, қосылған тұрғындар саны. Осы ондықтағы алты қаланың 1991 жылғы саны есептік баға. Дереккөздер: Қазақстан Ұлттық статистика бюросы, Өзбекстан SIAT, Қырғызстан Ұлттық статистика комитеті, Тәжікстан Статистика агенттігі, Түрікменстанның 2022 жылғы санағы, 1989 жылғы санақ кестелері (Демоскоп), БҰҰ World Population Prospects 2024. Жазбаларым ұнаса, @aqqqulaq парақшасына жазылып қойыңыз. Әйтпесе, жазбаларымды енді көрмей қалуыңыз мүмкін. - @aqqqulaq