@health.care.knowl: ကိုယ်ခံအားမြှင့်တင်ပေးတယ်ဆိုတဲ့ အိမ်တွင်းဆေးနည်းတစ်မျိုးက အဆိပ်သင့်အကြောသေခြင်း ဖြစ်စေနိုင်ကြောင်း ကျန်းမာရေးကျွမ်းကျင်သူများ သတိပေး အအေးမိ၊ တုပ်ကွေးကာကွယ်ပေးနိုင်တယ်ဆိုတဲ့ အကြောင်းပြချက်နဲ့ Wellness Influencer အချို့က ကြက်သွန်ဖြူအစိမ်းကို ပျားရည်ထဲစိမ်ပြီး အချဉ်ဖောက်စားသုံးဖို့ အားပေးနေကြပါတယ်။ ၎င်းကို သဘာဝပိုးသတ်ဆေးနဲ့ ကိုယ်ခံအားမြှင့်တင်ပေးတဲ့ “Elixir” တစ်မျိုးအဖြစ်လည်း ရည်ညွှန်းကြပါတယ်။ ကြက်သွန်ဖြူနဲ့ ပျားရည်နှစ်မျိုးစလုံးမှာ သဘာဝအလျောက် ပိုးမွှားတချို့ကို တားဆီးနိုင်တဲ့ အာနိသင် အနည်းငယ်ရှိပေမယ့် အိမ်မှာ ကိုယ်တိုင်အချဉ်ဖောက်တဲ့ လုပ်ငန်းစဉ်က အန္တရာယ်ရှိတဲ့ Clostridium botulinum ဘက်တီးရီးယား ပေါက်ပွားဖို့ အခြေအနေဖန်တီးပေးနိုင်ပါတယ်။ Clostridium botulinum ဟာ Botulism လို့ခေါ်တဲ့ ရှားပါးပေမယ့် အလွန်ပြင်းထန်ပြီး အသက်အန္တရာယ်ရှိနိုင်တဲ့ အစာအဆိပ်သင့်ရောဂါကို ဖြစ်စေတဲ့ ဘက်တီးရီးယားဖြစ်ပါတယ်။ ဒီရောဂါဟာ ကြွက်သားတွေ အားနည်းပြီး အကြောသေခြင်း ဖြစ်စေနိုင်သလို အသက်ရှူကြွက်သားတွေ ထိခိုက်ပါက အသက်ရှူလမ်းကြောင်းပျက်ကာ အသက်ဆုံးရှုံးနိုင်ပါတယ်။ Clostridium botulinum ရဲ့ spores တွေဟာ မြေဆီလွှာထဲမှာ သဘာဝအတိုင်း ရှိနေနိုင်တာကြောင့် ကြက်သွန်ဖြူအစိမ်းနဲ့ ပျားရည်အစိမ်းတို့မှာလည်း တွေ့ရှိနိုင်ပါတယ်။ ပုံမှန်အခြေအနေမှာ ပျားရည်ဟာ အက်ဆစ်ဓာတ်မြင့်ပြီး သကြားပါဝင်မှုများတာကြောင့် ဒီ spores တွေ ပေါက်ဖွားဖို့ မလွယ်ကူပါဘူး။ ဒါပေမယ့် ကြက်သွန်ဖြူအစိမ်းကို ပျားရည်ထဲ ထည့်စိမ်လိုက်တဲ့အခါ ကြက်သွန်ဖြူထဲက ရေဓာတ်တွေ ပျားရည်ထဲ ထွက်လာနိုင်ပါတယ်။ အဲဒီအခါ ပျားရည်ရဲ့ သကြားဓာတ် လျော့ကျလာပြီး pH လည်း မြင့်တက်လာနိုင်ပါတယ်။ အကယ်၍ အဲဒီအရောအနှောကို အခန်းအပူချိန်မှာ လေလုံတဲ့ဗူးထဲ သိမ်းထားမယ်ဆိုရင် အောက်ဆီဂျင်နည်းပြီး အက်ဆစ်ဓာတ်နည်းတဲ့ ပတ်ဝန်းကျင်ဖြစ်လာနိုင်တာကြောင့် Clostridium botulinum spores တွေ ပေါက်ဖွားကာ အလွန်အန္တရာယ်ရှိတဲ့ အာရုံကြောအဆိပ် (botulinum neurotoxin) ထုတ်လုပ်နိုင်ပါတယ်။ ကြက်သွန်ဖြူ + ပျားရည်ကို အိမ်မှာ ကိုယ်တိုင်အချဉ်ဖောက်ပြီး အခန်းအပူချိန်မှာ သိမ်းဆည်းစားသုံးခြင်းကို သတိထားသင့်ပါတယ်။ “သဘာဝဆေး” ဖြစ်တာနဲ့ အန္တရာယ်ကင်းတယ်လို့ မယူဆသင့်ပါဘူး။ အိမ်မှာ အချဉ်ဖောက်ပြုလုပ်မယ်ဆိုရင် အစားအသောက်ဘေးကင်းရေးဆိုင်ရာ လမ်းညွှန်ချက်တွေကို လိုက်နာပြီး pH 4.6 အောက်မှာ ရှိနေကြောင်း သေချာစစ်ဆေးနိုင်တဲ့ နည်းလမ်းမရှိပါက ကိုယ်တိုင်ပြုလုပ်တဲ့ ဆေးဖက်ဝင်အရောအနှောတွေကို ရှောင်ကြဉ်တာ ပိုလုံခြုံပါတယ်။ Kovac, A. (2026). Scientific American — #ကျန်းမာရေးဗဟုသုတရကြပါစေ💡📝

Health Care & Knowledge by NNW

Open In TikTok:

Region: SG

Thursday 01 October 2026 18:05:08 GMT