ليه أنا ما بخبي المنتجات البستخدمها في كريم الترطيب؟ 🤎✨ أنا مؤمنة إنو اي وحدة من حقها تعرف هي بتخت شنو في بشرتها، وعشان كدا ما عندي سبب أخبي المنتجات والمكونات البستخدمها في خلطة الترطيب بتاعتي. بالعكس، أنا حابة أكون واضحة معاكم من البداية، لأنو الفكرة الأساسية من الكريم ما كانت بس إنو نعمل منتج ونبيعو… الفكرة إنو نسهّل على البنات العناية ببشرتهم بطريقة بسيطة ومريحة. وأنا بصراحة عارفة إنو في بنات كتار كسلانين من موضوع الخلطات 😂🤎 يعني ممكن تكوني عارفة إنو بشرتك محتاجة ترطيب، وعارفة إنو في حاجات ممكن تخلطيها مع بعض وتستخدميها… لكن أول ما تتخيلي موضوع شراء كل منتج براهو، والقياسات، والخلط، والتنضيف والترتيب… تقولي: “خلاص بكرة أعملها” 😭😂 وبكرة دي مرات بتتحول لأسبوع… والأسبوع لشهر! 😂 عشان كدا أنا استهدفت البنات البحبو الحاجة الجاهزة والسهلة. لأنو لما الحاجة تكون جاهزة قدامك، الموضوع بكون أسهل بكتير: ما محتاجة تجمعي منتجات كتيرة، ولا تقعدي تعملي خلطة كل مرة. تفتحي العلبة، تستخدميها، وتقفليها… وخلاص. 🤎 وده ما معناتو إنو البنات ما بيهتمو ببشرتهم، بالعكس تماماً. لكن مرات الكسل وعدم وجود الوقت هو البخلينا نأجل العناية بنفسنا. وعشان كدا أنا ما بخبي عليكم المنتجات البستخدمها في كريم الترطيب، لأنو بالنسبة لي الشفافية جزء من المنتج نفسه. أنا عايزاك تعرفي شنو بتستخدمي، وليه اخترت المكونات دي، وفي نفس الوقت أوفّر ليك تجربة أسهل وأريح بدل ما تقعدي كل مرة تعملي الخلطات بنفسك. لأنو العناية بالبشرة ما مفروض تكون مهمة شاقة… مفروض تكون حاجة بسيطة تقدري تستمري عليها. 🤎#عناية #explore #السعودية #رابغ_تيك_توك #منتجات_نسائية - @soma.glow