@elshimahagaba: ؟ أكيد لا! الحل إننا نفهم إزاي نتعامل مع الأكل بطريقة أذكى، وإزاي نختار مكونات تساعد جسمنا يتعامل مع الوجبة بشكل أفضل. 4 معلومات عن الألياف، لو عرفتيها هتغيّر طريقة تعاملك مع الجوع، والوزن، وسكر الدم وصحة الأيض. أولًا: الألياف بتساعدك تتحكمي في الجوع. لأنها بتزيد الإحساس بالشبع، وبتساعدك تقللي الأكل العشوائي والرغبة المستمرة في تناول السكريات. ثانيًا: الألياف بتساعد على تنظيم سكر الدم. خصوصًا الألياف القابلة للذوبان، لأنها بتبطئ هضم وامتصاص الكربوهيدرات، وبالتالي تساعد على تقليل الارتفاعات السريعة في سكر الدم بعد الوجبة. وده مهم كمان لاستجابة الإنسولين؛ ومع تحسن حساسية الإنسولين وتنظيم الطاقة، الجسم يقدر يستخدم الدهون كمصدر للطاقة بشكل أفضل ضمن نظام غذائي متوازن. ثالثًا: الألياف بتدعم الجهاز الهضمي. لأنها تساعد على حركة الأمعاء وانتظام الإخراج، وبعض أنواعها تعتبر غذاءً للبكتيريا النافعة في الأمعاء، وده يدعم صحة وتوازن الميكروبيوم. رابعًا: الألياف بتدعم إدارة الوزن وصحة الأيض. لأنها بتجمع بين الشبع، وتحسين جودة الوجبات، والمساعدة في تنظيم سكر الدم. فالفكرة مش إنك تمنعي نفسك من الأكل… الفكرة إنك تتعلمي تاكلي بطريقة أذكى، وتخلي الألياف أولوية في وجباتك. ولو مش عارفة إيه هي أفضل مصادر الألياف، أو إزاي تدخليها في وجباتك اليومية… اكتبي لي «ألياف» في التعليقات، وأنا أساعدك ماتنسي متابعهالصفحه #صحه_وعافيه #الياف #نظام_غذائي_متوازن
