@morogoroyetu: Serikali imefanya uwekezaji mkubwa wenye thamani ya Shilingi Bilioni 220 kuimarisha huduma ya majisafi katika Manispaa ya Morogoro. Naibu Waziri wa Maji Mhe. Kundo Andrea Mathew (Mb) amesema hayo Oktoba 1, 2026 katika ziara ya kikazi mkoani Morogoro akikagua uboreshaji wa bwawa la Mindu. Amesema bwawa la Mindu ni mkombozi kwa mji wa Morogoro kwa sasa licha ya kuwa na vyanzo vingine vya maji. “Nafahamu tunavyo vyanzo vingine kama mito na visima vinavyochangia ongezeko la uzalishaji wa maji lakini bado tuna upungufu wa lita milioni 39 hivyo kutokana na mkakati wa serikali katika suala la upatikanaji wa maji bado tunaendelea na utekelezaji wa miradi mingine mikubwa kupata maji ya uhakika” Mhandisi Kundo amesema. Ameongeza inawezekana kuwa na mbadala wa nishati lakini haiwezekani kuwa na mbadala katika upatikanaji wa maji hivyo wananchi wawe wazalendo katika kulinda miundombinu na vyanzo vya maji kwa wivu mkubwa kwani ni aibu kwa mkoa wa Morogoro wenye vyanzo vingi vya maji vya uhakika vinavyolisha mikoa ya Pwani na Dar es salaam kukosa huduma ya maji. Amesema kiasi cha shilingi Bilioni 9.1 kimetolewa na serikali ili kulipa fidia kwa wananchi ambao walipisha maeneo yao kwajili ya utekelezaji wa shughuli za uhifadhi wa eneo la bwawa hilo. #Morogoro #Morogoroyetu #Maji cc @moruwasa @wizarayamajitz @jumaa_aweso @eng_mwajuma.waziri9 @wamiruvu_basin

morogoroyetu

Open In TikTok:

Region: TZ

Friday 02 October 2026 05:33:08 GMT