@jamiivoice_: HABARI: Katibu Mkuu wa ACT Wazalendo, Ado Shaibu Ado, amesema mabadiliko ya makatibu wote wa mikoa wa CCM si jambo la kawaida, akidai kuwa yanaonyesha kuwepo kwa minyukano ya ndani ya chama hicho kuelekea uchaguzi wa ndani wa mwakani na Uchaguzi Mkuu wa 2030. Ado amesema hayo Oktoba 1, 2026 katika mikutano yake iliyofanyika Kata ya Mijelejele, Jimbo la Lulindi na Masasi Mjini, akidai kuwa minyukano hiyo inaratibiwa na kudhibitiwa na vyombo vya dola badala ya CCM yenyewe. Amedai kuwa CCM imepoteza udhibiti wa siasa za nchi na kwamba kwa sasa siasa zinaendeshwa na vyombo vya dola. Kwa mujibu wa Ado, mazingira ambayo vyombo vya dola vinaendesha siasa badala ya vyama vya siasa yanaweza kuathiri hali ya usalama nchini. Hata hivyo, Ado amesema yuko tayari kuendelea na kile alichokiita mapambano ya kisiasa licha ya vikwazo, akisema ukimya unaweza kuongeza kero kwa wananchi.

Jamii Voice

Open In TikTok:

Region: TZ

Friday 02 October 2026 09:17:21 GMT