تھانہ ٹیپو سلطان کا بیٹر کامران بلوچ عرف کاموں ایس ایچ او کو لاکھوں روپے ہفتہ کماکر دینے لگا ٹیپو سلطان ہیڈ محرر شہزاد اور بیٹر کامران بلوچ عرف کاموں گٹکے ماوے کا کاروبار بھی بلوچ کالونی میں پارٹنر شپ میں چلانے لگے کراچی تھانہ ٹیپو سلطان کی حدود میں مبینہ بیٹر سسٹم اور گٹکا ماوا کے کاروبار کے حوالے سے سنگین شکایات سامنے آگئی ہیں۔ ذرائع کے مطابق کامران بلوچ عرف کاموں مبینہ طور پر تھانے کے لیے بیٹر کا کردار ادا کرتے ہوئے مختلف معاملات سے رقم وصول کرتا ہے اور پولیس افسران تک مبینہ طور پر ہفتہ پہنچانے کا انتظام کرتا ہے۔ ذرائع کا دعویٰ ہے کہ تھانہ ٹیپو سلطان کے ہیڈ محرر شہزاد اور کامران بلوچ عرف کاموں مبینہ طور پر بلوچ کالونی میں گٹکا ماوا کے کاروبار میں شراکت داری بھی چلا رہے ہیں، جس کے باعث علاقے میں غیر قانونی کاروبار کی سرگرمیوں پر قابو پانے کے دعووں پر سوالات اٹھ رہے ہیں۔ اہلِ علاقہ کا کہنا ہے کہ مبینہ سرگرمیوں کے باعث شہری شدید مشکلات کا شکار ہیں۔ علاقہ مکینوں نے ایس ایس پی ایسٹ زبیر نظیر ,ڈی آئی جی ایسٹ فرخ لنجار اور اسپیشل برانچ سے مطالبہ کیا ہے کہ کامران بلوچ عرف کاموں کے مبینہ کردار کی غیرجانبدارانہ تحقیقات کرائی جائیں - @nawaiwafaq24.7