@jeevikan.maranna: ചടങ്ങിന് എത്തിയവരുടെ എല്ലാം ഹൃദയം കവർന്നത് കുഞ്ഞ് മഹാലക്ഷ്മിയാണ്. എല്ലാവരോടും സ്നേഹം പ്രകടിപ്പിച്ചും സംസാരിച്ചും അച്ഛനോടും അമ്മയോടും കുറുമ്പ് കാട്ടിയും അവിടെയാകെ ഏഴ് വയസുകാരി മാമാട്ടി ഓടി നടന്നു. സിനിമാക്കാരുടെ ചടങ്ങുകൾക്ക് എത്തുമ്പോൾ കാവ്യയും ദിലീപും മക്കളെ ഒപ്പം കൂട്ടാറുണ്ട്. ചേച്ചി മീനാക്ഷി ഇല്ലാത്തതിനാലാണ് അമ്മയുടെ കയ്യിൽ തൂങ്ങി കുറുമ്പി കാട്ടി താരപുത്രി നടന്നത്. യുകെയിൽ ആയതിനാലാണ് ഉദ്ഘാടനത്തിൽ പങ്കെടുക്കാൻ മീനാക്ഷിക്ക് കഴിയാതെ പോയത്. ചേച്ചി എവിടെയെന്ന് മീഡിയക്കാർ ചോദിച്ചപ്പോൾ പുഞ്ചിരിയോടെ മറുപടി പറയുന്ന മഹാലക്ഷ്മിയുടെ വീഡിയോയും വൈറലാണ്. മഹാലക്ഷ്മി വീണ്ടും സൈബർ ലോകത്ത് ചർച്ചയാകാൻ കാരണം കഴിഞ്ഞ ദിവസം വൈറലായ ഒരു വീഡിയോയാണ്. ദേ പുട്ടിന്റെ ഉദ്ഘാടനത്തിനുശേഷം അവിടെ കൂടിയവരിൽ ചിലർ വന്ന് മഹാലക്ഷ്മിക്കൊപ്പം ഫോട്ടോയും സെൽഫികളും പകർത്തി. പരിഭവം കാണിക്കാതെ എല്ലാ ഫോട്ടോകൾക്കും പുഞ്ചിരിയോടെ മഹാലക്ഷ്മി പോസ് ചെയ്തു. ചിലർ താരപുത്രിയെ മകളെ പോലെ ചേർത്ത് നിർത്തിയും തോളിൽ കയ്യിട്ടുമെല്ലാമാണ് ഫോട്ടോകൾ പകർത്തിയത്. അച്ഛന്റെ ആരാധകർക്കൊപ്പം മടി കൂടാതെ മകൾ ഫോട്ടോകൾക്ക് പോസ് ചെയ്യുന്നത് അരികിൽ നോക്കി നിന്ന് കാവ്യയും ആസ്വദിക്കുന്നുണ്ടായിരുന്നു. പൊതുവെ സെലിബ്രിറ്റികളുടെ മക്കളെ ക്യാമറയ്ക്ക് മുന്നിൽ കൊണ്ടുവരാറില്ല. അവരുടെ സ്വകാര്യത മാനിച്ച് ക്യാമറ അറ്റൻഷൻ ലഭിക്കുന്ന സ്ഥലങ്ങളിൽ നിന്ന് അവരെ ഒളിപ്പിക്കുകയാണ് ചെയ്യാറുള്ളത്. എന്നാൽ ദിലീപ് ഒരിക്കലും മക്കളുടെ കാര്യത്തിൽ അത്തരത്തിൽ ഒരു നിലപാട് സ്വീകരിച്ചിട്ടില്ല. മുമ്പ് എല്ലാ പരിപാടികൾക്കും മീനാക്ഷിയെ ദിലീപ് ഒപ്പം കൂട്ടാറുണ്ടായിരുന്നു. ഇപ്പോൾ മഹാലക്ഷ്മിയേയും. അതിനാൽ തന്നെ ദിലീപിന്റെ മക്കളോട് ജനങ്ങൾക്ക് വീട്ടിലെ കുട്ടിയെന്ന സ്നേഹവും അടുപ്പവുമാണുള്ളത്. മാതാപിതാക്കളെ പോലെ തന്നെ വലിയൊരു ആരാധക വൃന്ദമുള്ള സ്റ്റാർ കിഡ്സാണ് മീനാക്ഷിയും മഹാലക്ഷ്മിയും. നിരവധി പേരാണ് മഹാലക്ഷ്മിയുടെ വീഡിയോ വൈറലായപ്പോൾ ദിലീപിനേയും കാവ്യയേയും പ്രശംസിച്ച് എത്തിയത്. സാധാരണ താരങ്ങളുടെ മക്കളെ ക്യാമറയ്ക്ക് മുന്നിലേക്ക് കൊണ്ട് വരാറെ ഇല്ല. ഇവിടെ കൊച്ചിന്റെ തോളിലൊക്കെ കയ്യിട്ട് ഫോട്ടോ എടുക്കുന്നു. ദിലീപും കാവ്യയും എല്ലാവരെയും സ്നേഹിക്കാനും ചേർത്ത് പിടിക്കാനുമാണ് മക്കളെ പഠിപ്പിച്ചത്. അതാണ് മഹാലക്ഷ്മിയുടെ പെരുമാറ്റത്തിലൂടെ കാണാൻ കഴിയുന്നത്, പൃഥ്വിരാജിൻ്റെ മകളുടെ ഒപ്പം നിന്ന് ഫോട്ടോയെടുക്കാൻ ഇതുപോലെ ശ്രമിച്ചിരുന്നവെങ്കിൽ എല്ലാവരും വിവരം അറിഞ്ഞേനെ. എല്ലാത്തിനേയും ഓടിച്ചേനെ. അത് കഴിഞ്ഞ് സെലിബ്രിറ്റികളുടെ പേഴ്സണൽ സ്പേസ്, വ്യക്തി ജീവിതം... തുടങ്ങിയവയെ കുറിച്ച് പ്രമുഖർ വന്ന് ഇൻസ്റ്റ ക്ലാസെടുക്കുകയും ഫേസ്ബുക്ക് പോസ്റ്റ് ഇടുകയും ചെയ്തേനെ എന്നിങ്ങനെയായിരുന്നു ചിലരുടെ കമന്റ്. അതേസമയം അപരിചിതർക്കൊപ്പം ഫോട്ടോയെടുക്കാൻ മകളെ ഫ്രീയായി വിടുന്നത് ശരിയായ രീതിയല്ലെന്നും കുട്ടിയുടെ സ്വകാര്യതയെ ബാധിക്കുമെന്നും മറ്റ് ചിലർ കുറിച്ചു. കാവ്യയുടെ തനി പകർപ്പാണ് മഹാലക്ഷ്മിയെന്നും ചിലർ കുറിച്ചു. കുറച്ച് മുമ്പ് ദേ പുട്ടിന്റെ ചെന്നൈ ഔട്ട്‌ലെറ്റിൽ അച്ഛനായി ഐസ് ടീയൊരുക്കുന്ന മഹാലക്ഷ്മിയുടെ വീഡിയോ വൈറലായിരുന്നു. കാവ്യാ മാധവന്റെ പേജിലാണ് വീഡിയോ പ്രത്യക്ഷപ്പെട്ടത്. കഴിഞ്ഞ ദിവസമായിരുന്നു നടൻ ദിലീപിന്റെ സ്വന്തം സ്ഥാപനമായ ദേ പുട്ടിന്റെ തമിഴ്നാട്ടിലെ ആദ്യ ബ്രാഞ്ചിന്റെ ഉദ്ഘാടനം. മലയാളം, തമിഴ് സിനിമാ മേഖലയിൽ സജീവമായി നിൽക്കുന്ന ഒട്ടനവധി താരങ്ങൾ ഉദ്ഘാടനത്തിൽ പങ്കെടുക്കാൻ എത്തിയിരുന്നു. മുതിർന്ന നടിമാരായ ശാരദ, സീമ, ഷീല തുടങ്ങിയവരുടെ സാന്നിധ്യവും ചടങ്ങിനെ കൂടുതൽ ധന്യമാക്കി. ദിലീപിനൊപ്പം ഉദ്ഘാടന ചടങ്ങിന് സാക്ഷിയാകാൻ ഭാര്യ കാവ്യാ മാധവനും അമ്മയും മകൾ മഹാലക്ഷ്മിയും എല്ലാം എത്തിയിരുന്നു. #ദിലീപ്കാവ്യാമാധവൻ #മഹാലക്ഷ്മി #മലയാളം #കുവൈറ്റ് #ജീവിക്കാൻമറന്നബാലൻ
