@liaqatmehsood: پریس ریلیز 2 اکتوبر 2026ء شہید عزیز محسود کے قاتلوں کو 72 گھنٹوں میں گرفتار کیا جائے، بصورتِ دیگر نادرن بائی پاس کے حوالے سے آئندہ کے لائحۂ عمل کا اعلان کیا جائے گا — حاجی لیاقت محسود ڈمپر ایسوسی ایشن کے صدر حاجی لیاقت محسود نے شہید عزیز محسود کی نمازِ جنازہ میں شرکت کی اور سوگوار خاندان سے دلی تعزیت و یکجہتی کا اظہار کیا۔ اس موقع پر حاجی لیاقت محسود نے عزیز محسود کے قتل کی شدید مذمت کرتے ہوئے متعلقہ حکام سے مطالبہ کیا کہ واقعے میں ملوث ملزمان کو بلا تاخیر گرفتار کرکے قانون کے کٹہرے میں لایا جائے اور متاثرہ خاندان کو انصاف کی فراہمی یقینی بنائی جائے۔ انہوں نے واضح کیا کہ ڈمپر ایسوسی ایشن متعلقہ انتظامیہ اور قانون نافذ کرنے والے اداروں کو 72 گھنٹوں کا وقت دیتی ہے کہ قاتلوں کی گرفتاری کے لیے مؤثر اور نتیجہ خیز کارروائی عمل میں لائی جائے۔ حاجی لیاقت محسود نے کہا کہ اگر مقررہ 72 گھنٹوں کے اندر ملزمان کو گرفتار نہ کیا گیا تو ڈمپر ایسوسی ایشن اپنی قیادت، ذمہ داران اور متعلقہ حلقوں کی مشاورت سے نادرن بائی پاس کے حوالے سے آئندہ کے لائحۂ عمل کا اعلان کرے گی۔ انہوں نے کہا کہ ہمارا مطالبہ واضح اور قانونی ہے کہ شہید عزیز محسود کے اہلِ خانہ کو فوری انصاف فراہم کیا جائے اور ذمہ دار عناصر کے خلاف قانون کے مطابق سخت کارروائی کی جائے۔ جاری کردہ: ترجمان آل ڈمپرٹرک ٹرانسپورٹ اونرز ایسوسی ایشن( پاکستان) #capcut #foryou #alldumpertruckownerassosiation #tictok #fyp