@kuningarathabdulla1: അത്രമേൽ ഗൗരവമായി കാണേണ്ട ഒരു കാര്യമായതിനാലാണ് ഒരനുഭവം വന്ന ഉടനെ തന്നെ ഇങ്ങനെ ഒരു കുറിപ്പ് എഴുതണമെന്ന് തോന്നിയത്. കഴിഞ്ഞ ദിവസം അക്കൗണ്ടിലേക്ക് 316 രൂപ ക്രെഡിറ്റ് ആയിരിക്കുന്നത് യാദൃശ്ചികമായി ശ്രദ്ധയിൽപ്പെട്ടു. ഗൂഗിൾ പേ, ഫോൺപേ തുടങ്ങിയ UPI ആപ്പുകളൊക്കെ പരതി നോക്കി. ആരും അയച്ചതല്ല. ബാങ്കിൽ നിന്ന് വേറെ മെസ്സേജും വന്നിട്ടില്ല. ഒടുവിൽ ബാങ്കിങ് ആപ്പിലെ ട്രാൻസാക്ഷൻ വിവരങ്ങളിലുള്ള കോഡ് വെച്ച് അന്വേഷിച്ചപ്പോഴാണ് കാര്യം മനസ്സിലായത്. അത് സേവിങ്സ് അക്കൗണ്ടിൽ കയറിയ ബാങ്ക് പലിശയായിരുന്നു! സത്യത്തിൽ അതൊരു വലിയ ഷോക്കായിരുന്നു. ഡെപ്പോസിറ്റ് സ്കീമുകളെക്കുറിച്ചുള്ള കേട്ടുകേൾവിയിൽ നിന്നായിരിക്കാം, ഒരു നിശ്ചിത തുക അക്കൗണ്ടിൽ സ്ഥിരമായി നിക്ഷേപിച്ചാൽ മാത്രമേ ബാങ്കിൽ നിന്ന് പലിശ ലഭിക്കൂ എന്നൊരു ധാരണയായിരുന്നു അതുവരെ എനിക്കുണ്ടായിരുന്നത്. ഒരു മാസം മുഴുവനായി 1,000 രൂപ പോലും അക്കൗണ്ടിൽ സൂക്ഷിക്കാൻ കഴിയാത്ത എനിക്ക് പിന്നെ ബാങ്കുകാർ എന്തിനാണ് പലിശ നൽകുന്നത് എന്ന തോന്നലങ്ങ് മാറിക്കിട്ടി. കൂടുതൽ അന്വേഷിച്ചപ്പോഴാണ് കാര്യം പിടികിട്ടിയത്. ഡെപ്പോസിറ്റുകൾക്ക് മാത്രമല്ല, സേവിങ്സ് അക്കൗണ്ടിൽ കിടക്കുന്ന തുകയ്ക്കും ബാങ്കുകൾ പലിശ നൽകുന്നുണ്ട്. ദൈനംദിന ബാലൻസിന്റെ ശരാശരി കണക്കാക്കി ഓരോ മൂന്ന് മാസം കൂടുമ്പോഴും ബാങ്കുകൾ സേവിങ്സ് അക്കൗണ്ടുകളിൽ ഇങ്ങനെ പലിശ ക്രെഡിറ്റ് ചെയ്യാറുണ്ട്. അങ്ങനെ കഴിഞ്ഞ ഒരു വർഷത്തെ സ്റ്റേറ്റ്‌മെന്റ് എടുത്തുനോക്കി. മൂന്ന് തവണകളായി ഏകദേശം 700 രൂപയ്ക്കടുത്ത് പലിശയായി അക്കൗണ്ടിൽ കയറിയിട്ടുണ്ട്! ഇതിനെക്കുറിച്ച് ഒന്നുരണ്ട് ആലിമീങ്ങളോട് സംസാരിച്ചു. അവർക്ക് ഇതിനെക്കുറിച്ച് ധാരണയുണ്ടായിരുന്നു. പക്ഷേ പിന്നീട് കുറച്ചുകൂടി അന്വേഷിച്ചപ്പോഴാണ് മറ്റൊരു കാര്യം മനസ്സിലായത്. ആലിമീങ്ങളായാലും അല്ലാത്തവരായാലും, ഇതിനെക്കുറിച്ച് യാതൊരു അറിവുമില്ലാത്ത ധാരാളം ആളുകൾ നമുക്കിടയിലുണ്ട്. അധ്വാനിച്ചുണ്ടാക്കുന്ന ഹലാലായ സമ്പത്തിലേക്ക് ഒരു തരിമ്പ് ഹറാം പോലും കലരരുതെന്ന് ആഗ്രഹിക്കുന്ന ധാരാളം പേർ. കുടുംബത്തിന് വേണ്ടി അത്തരം പണം ചെലവഴിക്കരുതെന്നും അവർ ശ്രദ്ധിക്കാറുണ്ട്. പക്ഷേ, ഇവിടെ നമ്മളറിയാതെ തന്നെ നമ്മുടെ സമ്പാദ്യത്തിലേക്ക് പലിശ കയറിവരികയാണ്. ജാഗ്രതയോടെ ഇരിക്കലാണ് ഏക പരിഹാരം. ഇടയ്ക്കിടെ അക്കൗണ്ടുകളൊന്ന് പരിശോധിക്കണം. ഫോൺപേയിലോ ഗൂഗിൾപേയിലോ നോക്കിയാൽ മാത്രം മതിയാകില്ല. ബാങ്കിന്റെ ഔദ്യോഗിക ആപ്പിലോ (ഫെഡറൽ ബാങ്കിന് FedMobile പോലെ, SBI-ക്ക് YONO പോലെ) നെറ്റ് ബാങ്കിങ്ങിലോ കയറി അക്കൗണ്ട് സ്റ്റേറ്റ്‌മെന്റ് വിശദമായി നോക്കുക. SBINT (Savings Bank Interest), Credit Interest തുടങ്ങിയ രേഖപ്പെടുത്തലുകൾ ശ്രദ്ധിക്കുക. അങ്ങനെ പലിശത്തുക അക്കൗണ്ടിൽ വന്നിട്ടുണ്ടെങ്കിൽ, അത് എങ്ങനെ കൈകാര്യം ചെയ്യണമെന്ന കാര്യത്തിൽ വിശ്വസനീയരായ ആലിമീങ്ങളോട് ചോദിച്ച് ശരിയായ രീതിയിൽ ഒഴിവാക്കുക. അറിവില്ലായ്മയോ അലസതയോ കാരണം ഒരു മഹാവിപത്തിൽ നാം അകപ്പെട്ടുപോകരുത്. ഇന്നുതന്നെ സ്വന്തം അക്കൗണ്ട് സ്റ്റേറ്റ്‌മെന്റ് ഒന്ന് പരിശോധിക്കുക. അറിയാത്ത ഒരാൾക്കെങ്കിലും ഉപകാരപ്പെടുമെങ്കിൽ എന്ന ചിന്തയിലാണ് ഇത് പങ്കുവെക്കുന്നത്. ജനങ്ങളെ ബോധവൽക്കരിക്കാൻ കഴിയുന്നവർ ഇത് ആ നിലയിൽ ഏറ്റെടുക്കണമെന്നും, അല്ലാത്തവർ മറ്റുള്ളവരിലേക്ക് കൂടി എത്തിക്കണമെന്നും താൽപര്യപ്പെടുന്നു. അല്ലാഹു നമ്മുടെ ഉദ്ദേശലക്ഷ്യങ്ങളെ സ്വീകരിക്കുമാറാകട്ടെ. ആമീൻ. #TakeAPhotoToSeeWhatSoundYouGet

عبدالله

Open In TikTok:

Region: QA

Friday 02 October 2026 13:06:13 GMT