نۆ ساڵە مام جەلال لە ناوماندا نییە، بەڵام هەر کات باس لە خەبات، سازان، پێکەوەژیان و بەرپرسیارێتیی نیشتیمانی دەکرێت، ناوی مام هەمیشە لەیادە. مام جەلال لەو سەرکردانە بوو کە مێژوو تەنها بە وشە نایاننوسێتەوە، بەڵکو بە هەڵوێست و کردەوەکانیان ناوی لە پەڕە زێڕینەکانی گەلەکەمان تۆماردەکات. ساڵانێکی درێژ لە ژیانی خۆی لە نێوان سەنگەری پێشمەرگایەتی، خەباتی سیاسی، دیپلۆماسی و بەرپرسیارێتیی دەوڵەتداری تەرخان کرد، لە هەموو قۆناغە جیاوازەکاندا یەک شت بە نەگۆڕی مایەوە، باوەڕی بە مافی گەلەکەی. ئەو تێگەیشتبوو کە سەرکەوتنی نەتەوە تەنها بە بەدەستهێنانی کۆمەڵێک ماف نییە، بەڵکو بە پاراستنی یەکڕیزی، سازان و دروستکردنی داهاتوویەکە کە هەمووان بتوانن تێیدا پێکەوە بژین. مام جەلال بە جەستە ماڵئاوایی لێکردین، بەڵام ڕێبازێکی بەجێهێشت کە هێشتا لێوەی فێردەین، ڕێبازی حەکیمانەیی، ئارامی، وەفا و خزمەتکردن بە خەڵک. ڕۆحت شادبێت ناوت لە مێژوودا و ڕێبازەکەت لە دڵی گەلدا دەمێنێتەوە. #لیوا_ڕەمەزان_دێکۆنی💚👑 #کوردستان_سلێمانی_کەرکوک_هەولیر #bargrifryakawtn #peshmarga #یەکێتی_نیشتمان_کوردستان - @ramazan_dekony