@k19_c: مو كل انهيار يجي من سبب واحد... مرات تتراكم بداخلنا ألف شغلة، ألف وجع، وألف موقف نسكت عنه ونكول: «عادي، تهون». بس بالحقيقة، ما جانت عادي، ولا هانت. ضلّيت أضحك وأحجي ويا الناس وكأني بخير، وبداخلي كلشي كان ينهار شويّة شويّة. تحملت هواي، وسكتت عن أشياء وجعتني، وكتمت حجي لو طلع منّي يمكن يغيّر كلشي. وصلت لمرحلة ما عاد بيها حيل أتماسك، ولا حتى أشرح شنو بداخلي. انهرت... مو لأني ضعيف، بس لأني تعبت من دور الشخص القوي، تعبت من إني دائمًا أكول «ما بيّه شي» وأنا بيّه كلشي. وأصعب انهيار مو ذاك اللي تبجي بيه... أصعب انهيار من تصير ساكت، بارد، وما عاد يفرق وياك أي شي

﮼سجدي ༩ོ

Open In TikTok:

Region: IQ

Friday 02 October 2026 21:07:34 GMT