@bathisha.parappu: നൂറിൻ്റെ നിറവിൽ സമസ്‌തക്കൊപ്പം ✍️ മുഹമ്മദ് പറവൂർ (സിറാജ് 02/10/26) 1984 ഏപ്രിൽ 29 ന് പ്രകാശിതമായ സിറാജിൻ്റെ പ്രഥമ ലക്കത്തിലെ ഒന്നാം പേജിൽ പ്രസിദ്ധീകരിച്ച എഡിറ്റോറിയലിൽ ഇങ്ങനെ വായിക്കാം. 'രാഷ്ട്രീയ പാർട്ടികളോടൊന്നിനോടും ഞങ്ങൾക്ക് പ്രത്യേക മമതയില്ല, വിദ്വേഷവുമില്ല.ഏതെങ്കിലും രാഷ്ട്രീയക്കാരുടെ ചട്ടുകങ്ങളായി സിറാജ് ഒരിക്കലും തരം താഴുകയുമില്ല. നന്മ ചെയ്താൽ നന്മയായും തിന്മ ചെയ്താൽ തിന്മയായും തന്നെ ഞങ്ങൾ വിലയിരുത്തും'. നാല് പതിറ്റാണ്ട് പിന്നിട്ട പത്രം ഈ അടിസ്ഥാന നിലപാടിലൂന്നി നിന്നുകൊണ്ടാണ് ഇന്നും മുന്നേറുന്നത്. പിറവിയിലും വളർച്ചയിലും മുന്നേറ്റത്തിലും വേറിട്ട വിസ്മയങ്ങൾ തീർത്താണ് സിറാജിൻ്റെ പ്രയാണം. വർത്തമാന കാല ദിനപത്രങ്ങളുടെയും ആനുകാലികങ്ങളുടെയും നാടീ മിടിപ്പറിയുന്നവർക്കറിയാം ഈ യാഥാർഥ്യം.കേരളത്തിൽ മുസ്‌ലിം മാനേജ്മെൻ്റിനാൽ തുടക്കം കുറിച്ച രണ്ടാമത്തെ പത്രമാണിത്,ഇസ്‌ലാമിക പ്രസ്ഥാനത്തിൻ്റെ വിലാസമുള്ള ഒന്നാമത്തെ ദിനപത്രവും. 20 കളിൽ സമസ്ത: പണ്ഡിത സഭ ഉരുവം കൊണ്ട പോലെ എൺപതുകളിലെ ചില സവിശേഷ സാഹചര്യങ്ങളാണ് സിറാജ് പ്രകാശിതമാവാനും വഴിയൊരുക്കിയത്. മലയാളികൾക്കിടയിൽ ഇന്ന് ഏറെ പ്രചാരവും സ്ഥിര പ്രതിഷ്ഠയും നേടിയ പത്രമാണ് സിറാജ് അറബി പേരുള്ള മലയാളത്തിലെ ഏക ദിനപത്രം. ദീപം,വെളിച്ചം,സൂര്യൻ എന്നൊക്കെ അർഥമുള്ള സിറാജ് എന്ന അറബി പദം മറ്റു പല പദങ്ങളെയും പോലെ മലയാള വത്ക്കരിക്കപ്പെട്ട ഒരു അറബി നാമമായി മാറിയിട്ടുണ്ട്.ഇന്ന് അറബി അറിയാത്ത ഏതൊരു മലയാളിക്ക് പോലുമറിയാം 'സിറാജ്' എന്നാൽ മലയാള ദിനപത്രങ്ങൾക്കിടയിൽ മൂല്യങ്ങളും നിഷ്പക്ഷതയും കാത്തു സൂക്ഷിച്ചു പോരുന്ന വേറിട്ടൊരു പത്രമാണെന്ന്. ഒപ്പം ഇസ്‌ലാമിക മത മൂല്യങ്ങൾക്കൊപ്പം ബഹുസ്വര - മതേതര - ജനാധിപത്യ മൂല്യങ്ങൾ സംരക്ഷിക്കാൻ പ്രതിജ്ഞാബദ്ധമായി നില കൊള്ളുന്ന സുന്നി പ്രസ്ഥാനത്തിൻ്റെ മുഖപത്രമാണെന്നും. 1847 ൽതലശ്ശേരിയിൽ നിന്നും പ്രസിദ്ധപ്പെടുത്തിയ 'രാജ്യ സമാചാര'ത്തോടെയാണല്ലൊ മലയാളത്തിന്റെ പത്ര പ്രവർത്തന ചരിത്രത്തിന് തുടക്കം കുറിച്ചത്.അഥവാ ഒന്നര നൂറ്റാണ്ടിലേറെ പഴക്കമുണ്ട് മലയാളിയുടെ പത്ര വായനാനുഭവങ്ങൾക്ക്. സാമുഹ്യ മാധ്യമങ്ങൾ വിവരവിനിമയ രംഗത്ത് സങ്കൽപങ്ങൾക്കപ്പുറത്തുള്ള കുതിച്ചു ചാട്ടം നടത്തുമ്പോഴും ലോകം എ ഐ കാലത്തെത്തി നിൽക്കുമ്പോഴും മലയാളിയുടെ വായനാ തൽപരതക്കും പത്രങ്ങളോടുള്ള ആഭിമുഖ്യത്തിനും മാറ്റമില്ല എന്നതാണ് സത്യം.വാർത്തകളും വിവരങ്ങളും നിമിഷാർധം കൊണ്ട് കൺമുമ്പിലെത്തുന്ന വിധത്തിൽ വിവര സാങ്കേതിക വിദ്യകൾ സാർവത്രികമായി വളർന്ന അനു നൂതകാലത്തും വായനാ സംസ്കാരം ജീവചര്യയായി കാത്തു പോരുന്നവരാണ് മലയാളികൾ.അതു കൊണ്ടു തന്നെ ദിനപത്രങ്ങൾ ഉൾപ്പെടെയുള്ള മലയാള പത്രങ്ങൾ മുവായിരത്തിലേറെയുണ്ടീ മലയാളത്തുരുത്തിൽ. പത്രങ്ങൾ,വിശിഷ്യാ ദിനപത്രങ്ങൾ മലയാളിയുടെ ജീവിതത്തിൻ്റെ അവിഭാജ്യ ഘടകമാണ്,പത്രവായന ജീവിതചര്യയും തനതുസംസ്കാരവും. ഇരുപതുകളിൽ,അധിനിവേശ കാലത്ത് ബ്രിട്ടീഷുകാരുടെ വിശ്വസ്ത വിധേയരായി നിന്നും 'ഐക്യ സംഘം' എന്ന പേരിൽ അനൈക്യ സംഘം തട്ടിക്കൂട്ടി ഉണ്ടാക്കിയുമൊക്കെ മതയുക്തിവാദം ഒളിച്ചു കടത്താൻ ശ്രമിച്ച മത പരിഷ്കരണ വാദികൾ സ്വാതന്ത്ര്യാനന്തരം അടവു മാറ്റി പ്രത്യക്ഷത്തിൽ മുസ്‌ലിം മുഖ്യധാരയിലിടം നേടാൻ ശ്രമിച്ചു പോന്നു.പക്ഷെ,സമസ്ത: പണ്ഡിതന്മാരുടെ നേതൃത്വത്തിലുള്ള പ്രതിരോധം തടസ്സമായി.തല പൊക്കാൻ കഴിയാതെ വന്നപ്പോൾ രാഷ്ട്രീയ-ഭരണ സംവിധാനങ്ങളുടെ ഏണിയിൽ കയറി കാലുറപ്പിക്കുക എന്നതാണ് അവർ കണ്ടെത്തിയ വഴി. അത് ഒരു പരിധി വരെ വിജയിച്ചുവെന്ന് വേണം പറയാൻ.1960 ൽ കേരള വഖഫ് ബോർഡ് നിലവിൽ വന്നപ്പോൾ സുന്നി വഖഫ് സ്വത്തുക്കൾ സംരക്ഷിക്കാനുള്ള ബോർഡിൽ ഉപ്പിൻ്റെ അളവിൽ പോലും സുന്നികളില്ലാതെ പോയതും സർക്കാർ ചെലവിൽ യൂണിവേഴ്സിറ്റി അഫിലിയേഷനോടെ പ്രവർത്തിക്കുന്ന അറബിക് കോളജുകൾ മൗലവിമാരെ വാർത്തെടുക്കുന്ന വഹാബി ശരീഅത്തു കോളജുകളായി മാറിയതുമെല്ലാം ഇതിൻ്റെ പരിണതിയായിട്ടാണ്. ഭരണ- ഉദ്യോഗരംഗങ്ങളിലും സമുദായ രാഷ്ട്രീയത്തിൻ്റെ കുഞ്ചിക സ്ഥാനങ്ങളിലും കയറിപ്പറ്റുക വഴി വഹാബി-മതയുക്തിവാദാശയങ്ങൾ ഒളിച്ചുകടത്തപ്പെട്ടു.ഒപ്പം സത്യത്തെ തമസ്കരിക്കാനും ഇസ്‌ലാമിക പൈതൃകത്തെ അവഗണിക്കാനും ശ്രമങ്ങളുണ്ടായി.പൂർവ്വികർ ചോര നീരാക്കി വളർത്തിയെടുത്ത ഒരു സമുദായ ജിഹ്വ മാത്രമാണ് അക്കാലത്തുണ്ടായിരുന്നത്. വഹാബീ വൈറസുകൾ വാൽമൂട്ടകളെ പോലെ അതിലും കയറിക്കൂടി. കേരള മുസ്‌ലിംകൾക്ക് ദിശാബോധം നൽകിയ സമസ്ത: പണ്ഡിത സഭയുടെയും അനുബന്ധ ഘടകങ്ങളുടെയും വാർത്തകളും പ്രസ്താവനകളും ലേഖനങ്ങളുമെല്ലാം നിരന്തരം തിരസ്കരിക്കപ്പെടുകയും അവജ്ഞയോടെ അത്തരം പേനയുന്തികളുടെ കാൽക്കീഴിലെ ചവറ്റു കൊട്ടയിലെറിയപ്പെടുകയും പതിവായി. എല്ലാം തിരിച്ചറിഞ്ഞ് രാഷ്ട്രീയ-മത പരിഷ്കരണ കൂട്ടുകെട്ടിൻ്റെ തിട്ടൂരങ്ങളവഗണിച്ച് സ്വയം പര്യാപ്ത സമൂഹമാകാൻ സുന്നി പ്രസ്ഥാനം ശ്രമങ്ങൾ നടത്തി വരികയായിരുന്നു. സത്യത്തിൻ്റെ സമ്പൂർണ്ണ വെളിച്ചം വിതറാൻ സ്വന്തമായൊരു പത്രം വേണമെന്ന് സമസ്ത:പണ്ഡിതർ ആലോചിച്ചു.മുന്നറിവോ അനുഭവങ്ങളൊ

Bathisha.Parappu

Open In TikTok:

Region: SA

Saturday 03 October 2026 04:55:12 GMT