@cawabemedia_: Mwanaume aliyetajwa kwa jina la Laurent Kweka anatuhumiwa kumuua mkewe, Jenipher, kwa kumpiga risasi katika nyumba yao iliyopo Bunju A, Mtaa wa Mkoani, Zone ya Senzele, Dar es Salaam. Kwa mujibu wa Mwenyekiti wa Shina la Mtaa wa Mkoani, Lucia Shirima, tukio hilo lilitokea alfajiri ya Oktoba 1, 2026, baada ya kupokea simu kutoka kwa mfanyakazi wa ndani wa familia hiyo aliyemweleza kuwa, “Baba amemuua Mama.” Shirima amesema baada ya kufika eneo la tukio, aliwasiliana na viongozi pamoja na Jeshi la Polisi ambao walifika katika nyumba hiyo. Amesema walipoingia ndani, waliukuta mwili wa Jenipher ukiwa upande wa kushoto pembeni ya kitanda, huku Kweka akiwa hayupo eneo la tukio. Baadaye walipata taarifa kuwa Kweka alikuwa ameenda kujisalimisha Polisi. Mwenyekiti huyo amesema wanandoa hao waliwahi kuwa na mgogoro kuhusu hati ya nyumba kabla ya tukio hilo. Hata hivyo, taarifa rasmi kutoka Jeshi la Polisi kuhusu tukio hilo bado haijapatikana. Kamanda wa Polisi Kanda Maalum ya Dar es Salaam, Jumanne Muliro, hakupatikana kwa simu, huku simu ya Kaimu Kamanda ikiita bila kupokelewa.

cawabemedia

Open In TikTok:

Region: TZ

Saturday 03 October 2026 09:48:42 GMT