میں اذیت میں ہوں، ایسی اذیت میں جس کا کوئی نام نہیں، کوئی وجہ بتانا آسان نہیں، اور کوئی علاج سمجھ نہیں آتا۔ بس دل ہر وقت بوجھل رہتا ہے، جیسے بہت کچھ کہنا چاہتی ہو مگر الفاظ اُس تکلیف کا ساتھ ہی نہ دیتے ہوں۔ میں نے خود کو بہت دفعہ سمجھایا کہ سب ٹھیک ہو جائے گا، مگر کچھ راتیں ایسی بھی گزری ہیں جہاں انسان کو نیند سے زیادہ اپنے خیالات تھکا دیتے ہیں۔ مجھے اب کسی سے کچھ ثابت نہیں کرنا، نہ اپنی خاموشی کی وجہ بتانی ہے، نہ اپنے بدلتے ہوئے لہجے کی وضاحت دینی ہے۔ میں بس تھک گئی ہوں ہر اُس چیز کو سنبھالتے سنبھالتے جسے شاید کبھی میرا ہونا ہی نہیں تھا۔ کچھ لوگ چلے گئے، کچھ رشتے بدل گئے، کچھ خواب ادھورے رہ گئے، اور میں ہر بار خود کو سمیٹ کر پھر سے جینے کی کوشش کرتی رہی۔ سب سے عجیب بات یہ ہے کہ انسان باہر سے وہی رہتا ہے، مگر اندر سے بہت کچھ بدل چکا ہوتا ہے۔ اب چھوٹی چھوٹی باتیں بھی دل کو چھو جاتی ہیں، خاموشی پہلے سے زیادہ گہری لگتی ہے، اور کبھی کبھی بغیر کسی وجہ کے آنکھیں نم ہو جاتی ہیں۔ شاید یہ اُن تمام باتوں کا بوجھ ہے جو وقت پر کہی نہیں گئیں۔ اب میری دعا صرف اتنی ہے کہ اے میرے رب، میرے دل کو اُن چیزوں سے آزاد کر دے جنہوں نے مجھے اندر سے باندھ رکھا ہے۔ جو میرے لیے نہیں، اُس کی طلب میرے دل سے نکال دے، اور جو میرے لیے ہے اُس تک پہنچنے سے پہلے میرے صبر کو ختم نہ ہونے دینا۔ مجھے ایسا سکون دے جو کسی انسان کی موجودگی کا محتاج نہ ہو۔ ❤️‍🩹🥀🥺 #deepwords_deeplines #urdupoetry #foryou - @nimal_writes90