@azath_hasan: Qalbiga marka uu jawaab raadinayo.?!!🫀🥺 Waxaa jiray hadallo aan la dhammaystirin, aamusnaan ka dhalatay isfaham la’aan, iyo laba qalbi oo midba dhinac u jeestay. Ma ahayn in jacaylkoodu dhammaaday, balse waxaa dhex maray wax dhaawacay kalsoonidii iyo degganaantii ay hore u wada lahaayeen. Muddo ka dib, ayuu qofkii u yimid qofkiisii. Si yaroo tartiiba ayuu usoo ag fadhiistay, meeshu waa meel aan buuq iyo dad badan midna ka jirin. Waa habeen jabaqduna way yartahay cid yuryamaysana ma jirto jawigu waa aamusnaan, iyaguna waxay dhex fadhiyeen xusuustii wixii dhacay. Hadal badan ma uusan bilaabin. Wuxuu marka hore eegay qofkii uu jeclaa, dabadeed su’aalihii qalbigiisa muddadaas ku jiray ayuu mid mid u soo saaray: “Ma adaa dhaqaaq rabay? Ka dheerow go’aansaday? Mise waan ku dhinac maray? Oo run baanan kugu dhiqin?” Su’aalahaasu jawaab keliya may raadinayn… Waxay raadinayeen qofka qaladka lahaa. Mararka qaar marka laba qof is jecel ay kala fogaadaan, qof walba wuxuu is weydiiyaa: Yaa bilaabay fogaanshaha? Yaa kan kale dayacay? Yaa qalbiga kan kale dhaawacay? Laakiin waxa ugu xanuunka badan ayaa ah in qofku mararka qaar uusan rabin inuu ogaado cidda qaldantay oo keliya… Wuxuu rabaa inuu ogaado in jacaylkii weli meel ku hadhay. Markaas, iyadoo murugadii weli wejigeeda ka muuqato, ayuu hadalkii u beddelay cod jilicsan oo aan eedayn lahayn: Dheeman hayga murugoon… Anaa dhaayahaygaay… Dhinacaaga taaganee… Ii dhoola-cadee qosol.” ❤️ Halkaas ayuu murankii ka yara aamusay, erayadiina waxay noqdeen cudurdaar aan si toos ah loo oran, jacaylkuna wuxuu noqday cod hoose oo leh: “Haddii aan ku dhaawacay, ha iga fogaan… haddii aan ku dayacay, ha iga quusan… haddii qaladkaygu yahay waxa inaga dhex dhacay, ii oggolow inaan mar kale dhinacaaga istaago.” Waayo mararka qaar, qofka aad jeceshahay marka uu kaa fogaado, waxa ugu weyn ee aad doonayso ma aha inaad ogaato yaa qaldamay… Waxaad doonaysaa oo keliya inuu kuu soo dhoola-caddeeyo sidii hore, si qalbigaagu u ogaado in wixii idin dhex maray aysan weli dilin jacaylkiiii. Ashqaraaar… 🫀❤️‍🩹 #somalimusic #foryoupage #relax #Song #Azath @Hamseabdiweli

Azath Hasan 𝅘𝅥𝅯

Open In TikTok:

Region: SO

Saturday 03 October 2026 10:14:39 GMT