@the.intuitive.plate: أنا قضيت سنين كتير و أنا فاكرة إن جسمي هو المشكلة. لو بس خسّيت شوية… لو شكل رجلي اتغير… لو نسبة الدهون بقت أقل… ساعتها أخيرًا هحس إني مرتاحة و واثقة. فضلت ألف في دوامة من دايت لدايت… وزن طالع و نازل… و تفكير مستمر في الأكل و شكل جسمي. لحد ما استوعبت إن دي دايرة مغلقة، و عمري ما هطلع منها بمجرد إن جسمي يتغير من برّه. الحقيقة أنا ماكنتش محتاجة جسم مختلف… أنا كنت محتاجة أشوف جسمي بشكل مختلف. و عشان ده يحصل، كان لازم أفهم البنت الصغيرة اللي جوايا هي مصدقة إيه عن جسمها؟ إيه اللي مخوفها من زيادة الوزن؟ وليه ربطت قيمتها بالصورة اللي في المراية؟ وإيه اللي كانت فاكرة إنها هتكسبه لو جسمها اتغير؟ فبدأت أشتغل على علاقتي بجسمي بدل ما أفضل طول الوقت أحاول أغيّره. و مع الوقت، ما بدأتش بس أحس براحة أكتر في جسمي… بدأت أشوف البنت اللي في الصور بشكل مختلف. بدل ما أبص عليها و أشوف كل حاجة كانت محتاجة تتغير، بدأت أشوف بنت صغيرة كانت محتاجة أمان، و فهم، و رحمة… مش دايت جديد. و صالحت البنت دي. 💛 عشان ما تضيعش سنين أكتر وهي فاكرة إنها لازم تغيّر جسمها عشان تبدأ تعيش. وده جزء كبير من الشغل اللي بنعمله في Body Joy. مش أنك تجبري نفسك تحبي جسمك أو تقنعي نفسك إن كل حاجة فيه حلوة. لكن بنشتغل على الأجزاء اللي جواكي اللي لسه شايلة خوف، حزن، غضب أو عار تجاه جسمك، ونفهم القصص والمعتقدات اللي خلتك تشوفي جسمك بالطريقة دي… عشان تبني علاقة جديدة مع جسمك، أساسها الاحترام، الأمان، و الحرية بدل الصراع و محاولات التغيير المستمرة. لو جاهزة تبدأي الرحلة دي، ابعتيلي رسالة بكلمة “JOY” وهبعتلك التفاصيل. 💌
