@callme_majidadinmusabaq: INNA LILLAHI WA INNA ILAIHI RAJI’UN 😭💔 🕊️ HAFIZAR ALƘUR’ANI MARYAM ABUBAKAR ALIYU TA RASU YAYIN ƘOƘARIN CETON ƘANENTA Wani labari mai matuƙar ban tausayi ya riski al’ummar Mahaddata Alƙur’ani, bayan rasuwar Hafizar Alƙur’ani, Maryam Abubakar Aliyu, yayin da take ƙoƙarin ceton ƙanenta guda biyu da suka faɗa cikin ruwa. Maryam Abubakar Aliyu ta kasance daga cikin masu haddar Alƙur’ani, inda iyayenta suka turo ta daga Abuja zuwa Kano, tare da malamarta, domin ta samu damar haddace Littafin Allah Mai Girma. Sai dai cikin wani lamari mai matuƙar raɗaɗi, Maryam ta gamu da ajalinta a cikin ruwa yayin da take ƙoƙarin ceton ƙanenta guda biyu da suka faɗa cikin ruwa a bayan gidansu da ke Abuja. Abin takaici, ƙoƙarin ceton nasu bai yi nasara ba, inda Maryam da ɗaya daga cikin ƙannenta suka rasa rayukansu cikin wannan mummunan lamari. Wannan rashi ya kasance babban abin alhini, musamman idan aka yi la’akari da irin sadaukarwar da iyayenta suka yi wajen turo ta Kano domin ta samu damar haddace Alƙur’ani Mai Girma. A cewar malaminta, wanda ya tabbatar wa Ahlul Qur’an TV faruwar wannan al’amari, har zuwa wannan lokaci ba a samu nasarar gano gawar Maryam Abubakar Aliyu ba. 😭💔 Allah Ya jiƙan Maryam da rahama, Ya gafarta mata da ƙanenta, Ya sanya Alƙur’ani ya zama ceto gare su, Ya haskaka kabarinsu, Ya kuma ba iyalansu, malamansu da dukkan waɗanda wannan rashi ya shafa haƙurin jure wannan babban rashi. Ya Allah, ka karɓe su cikin rahamarka. 🤲🏽 Inna lillahi wa inna ilaihi raji’un.

MAJIDADIN MUSABAQAH TV

Open In TikTok:

Region: NG

Saturday 03 October 2026 12:58:52 GMT