Bəzi sözlər var ki, insan onları yazarkən belə gözləri dolur… Çünki söhbət sadəcə bir Prezidentdən deyil, taleyi Vətənlə bir olan bir Liderdən gedir. Cənab Prezident, bu gün geriyə dönüb baxanda keçdiyimiz yolları, yaşadığımız ağrıları, itirdiyimiz canları, gözləyən anaları, yarım qalan arzuları xatırlamamaq mümkün deyil… Amma bütün o ağrıların içindən bu gün qalib və başıuca bir Azərbaycanı görmək insanın ürəyini həm kövrəldir, həm də sonsuz qürurla doldurur. Siz illərlə bu dövlətin yükünü çiyinlərinizdə daşıdınız. Bəzən bir xalqın deməyə gücü çatmayan sözləri Siz dediniz, edə bilmədiyi addımları Siz atdınız. Bu gün torpaqlarımızda üçrəngli bayrağımızın dalğalandığını görəndə gözlərimizin dolmasının səbəblərindən biri də budur… Bu torpaq üçün canından keçən şəhidlərimizin ruhu qarşısında baş əyirik. Onların ailələrinin göz yaşında, qazilərimizin yaralarında, Vətənə bağlı hər bir azərbaycanlının qəlbində böyük bir tarix yaşayır. Cənab Prezident, bəlkə də bir xalqın minnətdarlığını sözlə ifadə etmək mümkün deyil… Amma bilin ki, bu xalq Sizinlə fəxr edir. Bu xalq Sizin arxanızda dayanıb. Bu xalq Azərbaycanın adını eşidəndə ürəyi döyünür. Yaxşı ki, varsınız, cənab Prezident. Yaxşı ki, bu xalqın başında Vətənini sevən bir Lider var. Allah Sizi qorusun. Allah Azərbaycanımızı qorusun. Şəhidlərimizin ruhu şad olsun. Bayrağımız daim ucalarda dalğalansın. Bu gün gözümüzdə yaş, qəlbimizdə qürurla deyirik: Yaşasın Azərbaycan! Yaşasın Azərbaycan xalqı! #yourpage #kəşfet #kesfet #ilhamaliyev #ilhaməliyev - @qanununsesi.az