🌱በአምስት አመታችን እናቴ እወድሻለሁ እንላለን፣በ10 አመታችን እናቴ ስለኔ ራሴ አውቃለሁ ተይኝ እንላለን፣በ15 አመታችን እናት ልጀ እወድሃለሁ/እወድሻለሁ፤ልጅ “አውቃለሁ ታዳ ምን ይጠበስ” እንላለን፣በ20 አመታችን እናቴ ከዚህ ቤት መውጣት እፈልጋለሁ እንላለን፣በ25 አመታችን እናቴ ልክ ነበረች፣በ30 አመታችን እናቴ ቤት መሄድ እፈልጋለሁ እንላለን፣በ40 አመታችን እናቴን ማጣት አልፈልግም እንላለን፣በ50 አመታችን እንደ እናቴ አይነት የሚሆን ሰው አላገኘሁም እንላለን፣በ60 አመታችን እናቴ በህይወት እንድትቆይልኝ ንብረቴን ሁሉ እሷን በህይወት ለማቆየት መስጠት እፈልጋለሁ እንላለን፣በ70 አመታችን እናቴ ከአጠገቤ በሆነችና ነፍሴን ሁሉ በሰጠኋት እንላለን። 🌱አስተዋይ ሰው ግን በህይወቱ አንድ እናት ብቻ እንዳለችው በመረዳት ከልጅነቱ ጀምሮ ዋጋዋን ጠንቅቆ ያውቃል፣የእናትን ዋጋ ለማወቅና በማስተዋል ለመኖር ማሰብ መቻል እንጅ በእድሜ ትልቅ መሆን ማለት አይደለም።ማሰብ የቻለ ሰው ሁሉ የእናቱን ዋጋ በማወቅ እናቱን ይሰማል፣እናቱን ይታዘዛል፣እናቱን ያከብራል፣እናቱን ይንከባከባል፣ለእናቱ ይኖራል ፣እናቱን ይጦራል።እናቱን የሚወድና የእናቱን ዋጋ ጠንቅቆ የሚያውቅ ሰው ደግሞ እናቱን እስከ ህይወት ፍፃሜው ያከብራታል። 🌱የእናትን ትዕዛዝ አለመቀበል(አለመታዘዝ)፣እናትን ከፍ ባለ ድምፅ መጥራት፣እናትን በቁጣ ማናገር፣ለእናት የተቃውሞ መልስ ለመስጠት ድምፅን፣ጉልበትን፣እውቀትንና ብልህነትን መጠቀም ከሃጢያት ሁሉ የከፋ ሀጢያት ነው።ለእናትህ ምን ቢደክምህ አልችልም አትበል፣ምን ብታጣ የለኝም አትበል፣ምን ብትታመም አይሆንልኝም አትበል።እናቶቻችን ለእኛ ምን ማለት እንደሆኑ ብንረዳ ራሳችንን ለስጦታ ብናቀርብ እንኳን በቂ አይሆንም ነበር። 🌱 እናቴን ለመግለፅ ሳስብ የዛፍ ቅጠሎች ሁሉ ነጭ ወረቀት ቢሆኑ፤የውሃ ጠብታዎች ሁሉ የብዕር ቀለም ቢሆኑ እንኳን የእናቴን ማንነትና ውለታ ለመግለፅ አይበቃኝምና ዝም ማለትን እመርጣለሁ።እናቴ እትየዋ የኔ የሰው ልክ፣ደርባባ፣ገራገር ልጆችሽን ለመሳም እንኳን የምትሳሽ፣እንኳን ከቤትሽ የመጡ ሰዎችን ከአጥርሽ ላይ ያረፉ ወፎችን በእግድነት የምታበይና የምታጠጭ ቃላት የማይገልፅሽ የዋህ ሰው ኑሪልኝ ሌላ የምልሽ የለኝም!! እግዚአብሔር ማስተዋልን ጥበብን እውቀትን ከፍቅር ጋር ይስጠን አሜን🙏 እግዚአብሔር ብርሃኔና መድሃኒቴ ነው። - @zelealem.official