سالتني يا شيخ منين حنا ومني تريد الرد يا ابن الحمايل حنا ليا من قلت حنا وحنا #شمر هل الردات واهل الفعايل حنا يكفي لو تكلم زمنا يعطيك من افعال ربعي دلايل وحنا وطنا بكل ديره وطنا تفرح بنا بالضيق شقر الجدايل وحنا جبل #سنجار يا من وزنا وعنوانا يا شيخ فوق الاصايل ياما نزلنا غصب و ياما سكنا وعدونا نسقيه كاس الغلايل وكم راس شيخ عن متونه فصلنا و ندق صم القاع لام تهايل وعدونا من ضام لا ما تهنا سهير ليل ولا يذوق القوايل ويا عاد كنا روس وللحين حنا ولنا مكان واسع بالقبايل وحنا خذينا ايام لا ما خذنا يشهد لنا التاريخ تاريخ #حايل وحنا ذبحنا عقاب وحجاب حنا ذباحهم هايس ولد الحمايل اخوات سعده ما بهم من يكنا عدوهم تكثر عليه الفشايل وحنا ذبحنا رميح يوم نخلنا نرميه عند الجار لا صار عايل من ضرب بن دايس القرم منا خلاه جريح و اودع الدم سايل ويوم لفتنا سربتن من لحنا عصلان مروين السيوف السلايل عصلان من عصلان من نجد منا يا عل علمكم مرتفع بالقبايل ونعم من الهضبة ليا فرعنا عاداتهم جيب البكار الجلايل عدوهم من ضربهم هو يونا خريصات مبطي سيوفنا له دلايل واكبر دليل بالجزيرة سكنا وحامينها فوق ظهور قبٍ اصايل وحنا #السيافا كان يشهد زمنا سودان روس ولا ركعنا العايل الشاعر / جاسم الخشمان الحثربي أبو نواف - @abdulwahabalshammari