@chitminpyae1: #မိန်းမတစ်ယောက်ကို ထမင်းကျွေးထားနိုင်ရုံနဲ့ ကိုယ်ဟာ ကျေးဇူးရှင်ကြီး၊ ကိုယ်ဟာ အိမ်ဦးနတ်ဆိုပြီး ကိုယ့်ကိုယ်ကိုယ် မသတ်မှတ်လိုက်ပါနဲ့။ ထမင်းတစ်နပ် စားရဖို့အတွက်နဲ့ ဘယ်မိန်းမမှ ယောက်ျားကို မယူပါဘူး။ အိမ်ထောင်တစ်ခုကို ရွေးချယ်တဲ့အချိန်မှာ သူမတို့က ထမင်းထက် ဘဝလုံခြုံမှု၊ စိတ်ချမ်းသာမှု၊ နားလည်မှု၊ လေးစားမှုကို ပိုလိုအပ်ကြတာပါ။ မိန်းမတစ်ယောက်ဟာ ကိုယ့်အပေါ် အနစ်နာခံပြီး ချစ်ပေးမယ်လို့ ယုံကြည်လို့ ဘဝကို ပုံအပ်ခဲ့တာပါ။ ကိုယ့်အိမ်ထဲ ဝင်လာတာက အခမဲ့ အလုပ်သမားဖြစ်ဖို့ မဟုတ်ဘူး၊ စိတ်ခံစားချက်မရှိတဲ့ စက်ရုပ်ဖြစ်ဖို့ မဟုတ်ဘူး၊ အနိုင်ကျင့်ခံဖို့ မဟုတ်ဘူး.. သူမတို့က ကိုယ့်ကို လေးစားပေးမယ်၊ ကိုယ့်ကို ကာကွယ်ပေးမယ်၊ ကိုယ့်အမှားတွေကို နားလည်ပေးမယ်၊ ကိုယ့်အောင်မြင်မှုကို အားပေးမယ်ဆိုတဲ့ ယုံကြည်မှုနဲ့ ဘဝကို ပုံအပ်ခဲ့တာပါ။ ဒါပေမဲ့ "ငါ ထမင်းကျွေးထားတယ်"၊ "ငါ လုပ်ကျွေးထားတယ်"ဆိုတဲ့ စကားနဲ့ မိန်းမတစ်ယောက်ရဲ့ တန်ဖိုးကို မလျော့သင့်ပါဘူး။ မိန်းမတစ်ယောက်က မိသားစုကို ထားခဲ့တယ်၊ မိဘရဲ့ မျက်ရည်ကို ထားခဲ့တယ်၊ ကိုယ့်ဘဝရဲ့ လုံခြုံမှုကိုတောင် စွန့်ပြီး ကိုယ့်အနားကို လာရောက်ခဲ့တာပါ။ အဲဒီလို လူတစ်ယောက်ကို ထမင်းတစ်နပ်နဲ့ တန်ဖိုးချမယ်ဆိုရင် အဲဒါဟာ အချစ်မဟုတ်ဘဲ အနိုင်ကျင့်မှု ဖြစ်သွားပါလိမ့်မယ်။ အိမ်ထောင်တစ်ခုမှာ ယောက်ျားက အလုပ်လုပ်ပြီး မိန်းမက အိမ်အလုပ်လုပ်တယ်ဆိုတာ ဘယ်သူက ဘယ်သူ့ထက် မြင့်တယ်ဆိုတာ မဟုတ်ပါဘူး။ ဒါဟာ တာဝန်ကို မျှဝေထားခြင်း သာဖြစ်ပါတယ်။ ယောက်ျားက ပင်ပန်းသလို မိန်းမလည်း ပင်ပန်းပါတယ်။ ယောက်ျားက စိတ်ဖိစီးသလို မိန်းမလည်း စိတ်ဖိစီးပါတယ်။ ဒါကို နားမလည်နိုင်ရင် အိမ်ထောင်တစ်ခုဟာ ငရဲဖြစ်သွားနိုင်ပါတယ်။ မိန်းမတစ်ယောက်ဟာ ပိုက်ဆံလိုလို့ ယူတာမဟုတ်ဘူး၊ ထမင်းစားဖို့ ယူတာမဟုတ်ဘူး၊ အိမ်အလုပ်လုပ်ဖို့ ယူတာမဟုတ်ဘူး။ သူမတို့က - လုံခြုံချင်လို့၊ နားလည်ခံချင်လို့၊ ချစ်ခြင်းကို ခံစားချင်လို့၊ ဘဝကို အတူတူ တည်ဆောက်ချင်လို့သာ ယူကြတာပါ။ ဒါကြောင့် မိန်းမတစ်ယောက်ကို ထမင်းကျွေးထားနိုင်ရုံနဲ့ ကိုယ့်ကိုယ်ကိုယ် ဘုရားလို မထင်လိုက်ပါနဲ့... သူမတို့ဟာ ကိုယ့်ဘဝထဲကို ဝင်လာတဲ့ မိဖုရား ဖြစ်ပါတယ်။ အလုပ်သမား မဟုတ်ပါဘူး... အနိုင်ကျင့်ခံ ဖို့ မဟုတ်ပါဘူး... ကိုယ့်ကို ယုံကြည်လို့ ဘဝကို ပုံအပ်ခဲ့တဲ့သူတွေကို လေးစားပါ... နားလည်ပါ... ချစ်ပေးပါ။ ဒါဟာ ယောက်ျားတစ်ယောက်ရဲ့အကြီးမားဆုံး တာဝန်ပါ။ ဘာတာဝန်မှမယူနိုင်ရင်တော့နောက်ဆုံးရလဒ်က ကျန်ခဲ့ခြင်းဆိုတာပါပဲ။ အမျိုးသမီး များအားလုံး စိတ်ချမ်းသာမှု ရကြပါစေ... 🤵👰 #မူရင်းစာသားပိုင်ရှင်အားcrdပေးပါတယ်🥰 #maritalproblems #f #emotionalsecurity

Aye Aye Pyae

Open In TikTok:

Region: MM

Sunday 04 October 2026 03:08:17 GMT