@myatthu88349: တွဲတာကြာလာရင် အရင်လို စကားတွေ အများကြီး မရှိတော့ဘူး။ ဖုန်းပြောနေရင်း၊ စာရေးနေရင်း အင်း အဲ ဆိုပြီး ဘာဆက်ပြောရမလဲ မသိဖြစ်တတ်တယ်။ အရင်ထက် ပြဿနာတွေလည်း ပိုများလာတယ်။ မိသားစု၊ လူမှုရေး စတဲ့အရာတွေ ပါဝင်လာတော့ သေးသေးလေးကစပြီး ကိုယ်နဲ့ဆိုင်လာတယ်။ ဆိုတော့ အတူတူ ဖြေရှင်းရမယ့် ကိစ္စတွေ ပိုများလာတယ်။ ဒါပေမယ့် အဲဒီအချိန်မှာပဲ အပြတ်များတတ်တယ်။ တစ်ယောက်နဲ့တစ်ယောက် စိတ်မတူတာတွေ ပိုဖြစ်လာပြီး ပြဿနာတွေကို မရင်ဆိုင်ချင်တော့ဘူး။ အဲလိုနဲ့ စိတ်ကုန်စိတ်ပျက်လာပြီး အတူရှိခဲ့တဲ့အချိန်တွေ အကုန်ပျက်သွားတတ်တယ်။ ၃ နှစ်ကျော်၊ ၄ နှစ်နားကာလက အခက်ခဲဆုံး ဖြစ်တတ်တယ်။ အရင်လို ချစ်စရာအပြုအမူတွေ လုပ်ချင်စိတ်နည်းလာပြီး မလိုအပ်ရင် မပြောချင်တော့ဘူး။ ချစ်နေရင် ရပြီ၊ ဘာလိုသေးလဲ လို့ တွေးလာတတ်တယ်။ ဒီလိုနဲ့ နှစ်ဖက်လုံး စိတ်ပြောင်းလဲလာပြီး အထိအခိုက်များတဲ့ အချိန် ဖြစ်လာတတ်တယ်။ နေ့တိုင်းတွေ့တဲ့သူတွေဆိုရင် ညကျ ဖုန်းမပြောချင်တော့ဘူး။ နားချင်လာတယ်။ အားလပ်ချိန်မှာလည်း ကိုယ်ကြိုက်တာပဲ လုပ်ချင်လာတယ် game ဆော့တာ၊ ဇာတ်လမ်းကြည့်တာလိုမျိုး။ အထူးသဖြင့် စကားရှည်ရှည် မပြောချင်တော့ဘူး။ မကြာခဏ မတွေ့ရတဲ့သူတွေကတော့ သံသယများလာတတ်တယ်။ နည်းနည်းလေး ဖြစ်ရင်တောင် အေးသွားပြီ လို့ထင်ပြီး စကားများတတ်တယ်။ ဒီလိုအချိန်မှာ အပေးအယူညီနေကြရင် ပြဿနာမရှိဘူး။ ဒါပေမယ့် တစ်ဖက်က မခံနိုင်ဘူးဆိုရင် လမ်းခွဲသွားတတ်တယ်။ မပြတ်ကြရင်တောင် စိတ်ကုန်နေပြီး သံယောဇဉ်ကြောင့် ဆက်တွဲနေကြတာမျိုးလည်း ရှိတတ်တယ်။ ဒီလိုဖြစ်လာရင် မချစ်တော့လို့ မဟုတ်ဘူး။ ကိုယ်တိုင်လည်း အေးအေးဆေးဆေး နေချင်လာပြီး ဘာဖြစ်ချင်မှန်း မသိတဲ့ အခြေအနေ ဖြစ်တတ်တယ်။ တစ်ခါတစ်လေ လမ်းခွဲမယ်ဆိုရင်တောင် အိုကေ လို့ ပြန်ပြောလိုက်နိုင်တဲ့ အခြေအနေ ဖြစ်တတ်တယ်။ ဒီအဆင့်ကို ကျော်ချင်ရင် သည်းခံနိုင်ရမယ်၊ နားလည်မှုရှိရမယ်။ အဲဒီကာလကို ကျော်ဖြတ်နိုင်ခဲ့ရင် ၄၊ ၅ နှစ်နားလောက်မှာတော့ တစ်ယောက်နဲ့တစ်ယောက် ပိုနားလည်လာပြီး လမ်းခွဲဖို့ ခက်ခဲလာတတ်တယ်။ ဒါကြောင့် ဒီလိုအခက်ခဲကာလရောက်လာရင် စိတ်တိုသလို မဆုံးဖြတ်ပါနဲ့။ အတူရှိခဲ့တဲ့ အမှတ်တရတွေကို ပြန်စဉ်းစားပါ။ ကိုယ်လိုချင်တာကို ပြောပါ၊ သူလိုချင်တာကိုလည်း လိုက်လျောပါ။ အပေးအယူညီပြီး စိတ်ရှည်ထားနိုင်ရင် ရှေ့ဆက်ပြီး အတူနေသွားနိုင်တဲ့ နည်းလမ်းကို ရှာတွေ့လာမှာပါ

Nway Oo ˗ˏˋ နွေဦး ´ˎ˗

Open In TikTok:

Region: TH

Sunday 04 October 2026 06:53:49 GMT