@notyourkami0: یہ اثاثے فقط دنیا کو دکھانے کے لیے ہیں، حقیقت میں تیرے بعد میرے پاس کچھ بھی نہیں۔ یہ گھر، یہ در و دیوار، یہ روشنیاں سب جھوٹی ہیں، میرے اندر جو اندھیرا ہے، اس کا کوئی حساب نہیں۔ لوگ سمجھتے ہیں کہ میں نے بہت کچھ پا لیا، انہیں کیا خبر، جسے چاہا تھا، وہی میرے ساتھ نہیں۔ الماری میں رکھے ہوئے کپڑے آج بھی خوشبو دیتے ہیں، مگر وہ خوشبو بھی اب کسی پرانی یاد کی طرح ہے۔ میز پر رکھا ہوا ایک خالی کپ ہر شام مجھ سے پوچھتا ہے، وہ کہاں ہے؟ اور میرے پاس اس سوال کا کوئی جواب نہیں۔ میں نے سجا رکھے ہیں کمرے، مگر دل کے ایک کونے میں اب بھی تیری تصویر دھول میں لپٹی پڑی ہے۔ میں نے ہنسنا سیکھ لیا ہے لوگوں کے سامنے، مگر تنہائی میں میری آنکھ اب بھی تیرا نام لے کر بھیگ جاتی ہے۔ یہ دولت، یہ شہرت، یہ لوگوں کی محبت، سب میرے گرد جمع تو ہیں، مگر میری روح کے قریب کوئی نہیں۔ تیرے بعد معلوم ہوا کہ انسان چیزوں سے نہیں، کسی اپنے کی موجودگی سے امیر ہوتا ہے۔ اب جو کچھ بھی ہے میرے پاس، وہ صرف دنیا کی نظر کا دھوکا ہے میرے اندر ایک شہر اجڑ چکا ہے، جس کے ملبے پر میں روز اپنی کامیابی کا محل بناتا ہوں۔ کاش کوئی میری آنکھوں میں جھانک کر دیکھے، تو اسے ان اثاثوں کے پیچھے ایک بےحد غریب انسان نظر آئے، جس نے سب کچھ سنبھال رکھا ہے، سوائے اپنے دل کے۔ تیرے جانے کے بعد میں نے بہت کچھ حاصل کیا، مگر ایک بات کبھی حاصل نہ کر سکا وہ سکون، جو تیرے پاس بیٹھ کر بغیر کچھ کہے مل جایا کرتا تھا۔ اس لیے یہ سب فقط دنیا کو دکھانے کے لیے ہے، ورنہ سچ تو یہ ہے تیرے بعد میرے پاس نہ کوئی خواب مکمل ہے، نہ کوئی خوشی پوری، نہ کوئی اپنا، نہ کوئی ہم بس ایک دل ہے جو آج بھی تیرا ہے، اور میرے پاس رہ کر بھی میرا نہیں۔ #fyp

𝔻𝕖𝕔𝕖𝕞𝕓𝕖𝕣 🍂

Open In TikTok:

Region: PK

Sunday 04 October 2026 09:01:37 GMT