@24chasa.mk: Четврти Октомври – ден на сите Македонски Светители Денес, првата недела од месец октомври, Македонската православна црква – Охридска Архиепископија го празнува Соборот на сите македонски светители. Меѓу нив се светите солунски браќа Кирил и Методиј, свети Климент Охридски, свети Наум Охридски, свети Гаврил Лесновски, свети Прохор Пчински, свети Јоаким Осоговски, свети Еразмо Охридски, свети Георгиј Кратовски, света Злата Мегленска, свети Јован Кукузел, свети Атанасиј Атонски, свети Јован Рилски и мноштво други светители кои со својот живот, подвиг и вера го просветлиле народот и овие простори. Во соборот се вбројуваат и поновоканонизираните македонски светители – Светите 40 Битолски новомаченици, Пречистанските маченици, Евнувиј, Пајсиј и Аверкиј, свети Гаврил Велички, свети Јоаникиј Ракотински и свети Кипријан Слепчански, како и сите познати и непознати македонски светители. На овој ден се празнуваат и светиот пророк Варух, светиот апостол Кодрат, светите свештеномаченици Ипатиј, епископ Ефески и Андреј презвитер, како и свети Димитриј, епископ Ростовски, чие откривање на чудотворните мошти се одбележува на 21 септември. #fyp #makedonija #orthodox

24chasa.mk / 24часа.мк

Open In TikTok:

Region: EG

Sunday 04 October 2026 10:38:04 GMT