НЕГЕ ҚҰРАНДА ӘЙЕЛГЕ : «ҚАЙҒЫРМА» ДЕП АЙТЫЛҒАН? Бұл сөздің астарында біз ойлағаннан да үлкен жұбаныш бар... Егер қазір жүрегіңіз ауырып, ішкі дүниеңіз айтсыз айғайлап тұрса, мына сөздерді ықыласпен оқыңыз... Сіздің әрбір қайғыңызды, әрбір жасырын көз жасыңызды Алла біледі. Құранда Мұса пайғамбардың анасы туралы айтылады. Ол өз баласы үшін қатты уайымдап, жүрегі тілімденді. Өйткені перғауынның әскері жаңа туған ер балаларды аяусыз өтіріп жатқан еді. Сонда Жаратқан Алла оған: «Қорықпа әрі қайғырма. Біз оны саған қайтарамыз...» – деді. (Қасас сүресі, 7-аят) Алла Тағала оған: «Неге жыладың? Неге әлсіз болдың? Күшті бол!» деп ұрысқан жоқ. Керісінше, ең алдымен оның қорқынышын сейілтіп, жүрегін жұбатты. Мәриям анамыздың да басынан өте ауыр, сынақты сәт өтті. Жалғыздық... Қорқыныш... Адамдардың өсегі мен айыптауынан алаңдаған ең қиын сәтте оған да: «Қайғырма...» деген жылы жұбату келді. Демек, «қайғырма» деген сөз – «сенің қайғыруға қақың жоқ» дегенді білдірмейді. Бұл сөз: «Мен сенің жағдайыңды көріп тұрмын. Сен жалғыз емессің. Мен сені ешқашан тастамаймын» деген ұлы Жаратқанның шексіз мейірімі мен жұбанышы! Сондықтан қарым-қатынаста біреу сені таңдамағанда, үндемей кеткенде, сенің қадіріңді түсіргенде немесе сен қалаған махаббат пен жылулықты бере алмаған кезде... өзіңнің құндылығыңды оның әрекетінен де, сөзінен де іздеме! Сіз қазір: «Неге дәл мен?» «Неге ол өзгермеді?» «Неге мені таңдамады?» «Неге бұл қарым-қатынас осылай аяқталды?» – деп өзіңізді жегідей жеп, сұрақтарға жауап таба алмай жүрген шығарсыз. Ұмытпаңыз: Кейбір жауаптар бірден берілмейді, уақыт өте келе ғана ашылады. Мүмкін, дәл қазір сіз бұл сынақтың артындағы қайырды көрмей тұрған шығарсыз. Бірақ Алла сіздің көрмегеніңізді көрді, сіз білмегенді біледі және жүрегіңіз көтере алмай тұрған ауыртпалықтың сырын жақсы түсінеді. Сондықтан... қайғырмаңыз, үміт үзбеңіз және бүкіл болмысыңызбен Аллаға сүйеніңіз! Егер бұл сөздер дәл қазір сіздің жаралы жүрегіңізге ем болып, ауадай қажет болса, міндетті түрде сақтап қойыңыз. Бір күні қайта оқып, өзіңізге: «Мен жалғыз емеспін. Алла менімен бірге!» деп қайта еске салатын боласыз. #махаббат #қыздар #әйел - @samal_85