निजी मेडिकल तथा डेण्टल कलेज एसोसिएसनको गम्भीर ध्यानाकर्षण भएको रहेछ। मेरो त झन अति नै गम्भीर ध्यानाकर्षण भएको छ। तर मेरो ध्यानाकर्षण एउटा कलेजप्रति मात्र होइन। देशका हरेक मेडिकल विद्यार्थीको भविष्य, हरेक चिकित्सकको पेशागत प्रतिष्ठा र उपचारको आशामा अस्पताल पुग्ने हरेक बिरामीको जीवन र सुरक्षामा हो। मैले संसदमा उठाएका विषय कल्पनाका होइनन्, सम्बन्धित विद्यार्थीहरूले उठाएका गम्भीर आरोप हुन्। यहाँ उनीहरूकै बयानका भिडियो सामग्री छन्। यिनको सत्यता सम्बन्धित निकायले छानबिन गरोस्। खडेबाबा (Ghost Faculty), नक्कली बिरामी, शैक्षिक दबाब वा शुल्कसम्बन्धी अनियमितताका आरोप गलत भए छानबिनले गलत प्रमाणित गरोस्; सही भए कारबाही होस्। एसोसिएसनले पनि तथ्य र प्रमाणका आधारमा छानबिन हुनुपर्ने भनेको छ। मेरो माग पनि त्यही हो। प्रश्न कसले आरोप लगायो भन्ने होइन, आरोप सत्य हो कि होइन भन्ने हो। कुनै कलेजको प्रतिष्ठाभन्दा ठूलो चिकित्सा शिक्षाको प्रतिष्ठा, त्यसभन्दा ठूलो विद्यार्थीको भविष्य, र सबैभन्दा ठूलो बिरामीको जीवन हो। प्रतिवाद होइन, छानबिन गरौँ। सत्यबाट भागेर होइन, सत्य प्रमाणित गरेर प्रतिष्ठा जोगाऔँ। #medicaleducationcorruption #RaiseYourVoice #NepalRising #RSPNepal #rahbaransari - @rahbar.official