ရေစက်ပဲဖြစ်ဖြစ် ဝဋ်ကြွေးပဲဖြစ်ဖြစ် ခံနိုင်ရည်ရှိပါ ဘဝမှာ ကိုယ်နဲ့ ပတ်သ.တ်ရတဲ့ လူတိုင်းဟာ သံသရာ အဆက်ဆက်က ပါလာတဲ့ ရှေးရေစက်ကြောင့် (ဒါမှမဟုတ်) ဝဋ်ကြွေးကြောင့် လာဆုံကြရတာပါ။ တချို့က ကိုယ်က ပေးဆပ်ရမယ့် ဝဋ်ကြွေးကို သူတို့က ပြန်ယူဖို့အကြောင်းနဲ့ ဆုံလာကြတာ။ တချို့ကတော့ ကိုယ့်ဆီကနေ ကြွေးသစ်ယူသွားကြတဲ့ သူတွေလဲ ရှိမှာပေါ့လေ။ ရေစက်ကြောင့် ဆုံလာရင်တော့ တွေ့ဆုံခြင်းကို တန်ဖိုးထားပါ။ ရေစက်ကုန်လို့ ခွဲရရင်လည်း ပြုံးနေနိုင်ပါစေ။ တကယ်တော့ ဘဝဆိုတာက ထင်သလောက် မရိုးရှင်းပါဘူး။ ဆုံတွေတိုင်းလည်း ရေစက်ကြောင့်လို့ဆိုပြီး ဝမ်းသာနေလို့ မရဘူး။ ဝဋ်ကြွေးဖြစ်နေခဲ့ရင် ဘယ်လိုလုပ်မလဲ။ ကြေအောင် ဆပ်ရမှာပေါ့လေ။ ပြုသူအသစ် ဖြစ်သူအဟောင်းတဲ့ ဘာပဲဖြစ်ဖြစ်ပေါ့ အကြောင်းမကင်းလို့ ပေါင်းသင်းကြရတာ အကြောင်းရှိလို့ ပေါင်းမိကြရတာပါပဲ။ အကြောင်းရှိလို့ အကျိုးဖြစ်လာတာ။ သူဘာသာ အလိိုလို ဖြစ်လာတာ မဟုတ်ဘူးလေ။ ကိုယ်က ကောင်းပါရဲ့နဲ့ ကိုယ့်ကို အနိုင်ကျင့်တာ ခံရတဲ့အခါ စော်ကားတာကို ခံရတဲ့အခါ ငြိုငြင်တာကို ခံရတဲ့အခါ အထင်လွဲတာကို ခံရတဲ့အခါ သစ္စာဖောက်တာကို ခံရတဲ့အခါ ဒီလိုလေး နှလုံးသွင်းလိုက်ပါ။ ပေးဆပ်ရမယ့် ဝဋ်ကြွေးတွေ တစ်ခုပြီးတစ်ခု ကျေသွားတယ်လို့ပဲ သဘောထားလိုက်ပါ။ ဒါကြောင့် ဘယ်သူ့အပေါ်ကိုမှ သံယောဇဥ် သိပ်မတွယ်နဲ့။ ခံရတဲ့သူက အဟောင်းခံရတာပါ လုပ်တဲ့သူကသာ အသစ်လုပ်နေတာပါ။ ဒါလေးကိုသိထားရင် ဝဋ်ကြွေးဆို အသစ် ထပ်မယူပါနဲ့။ တချို့အခြေအနေတွေက နာကျင်စရာ ကောင်းပေမယ့် များများပေးဆပ်ရရင် မြန်မြန်ကျေတယ်လို့ တွေးပြီး ဝဋ်ကြွေးဆပ်တယ်လို့ သဘောထားရင်း အခြေအနေတချို့ကို ကျေနပ်လက်ခံလိုက်ပါ ။ ကိုယ့်ရဲ့ အတ္တကို ဖြေးဖြေးလေး ဖြေလျှော့လိုက်ပြီး ဘယ်သူ့ကိုမှ ဘယ်အရာကိုမှ တင်းတင်းကြပ်ကြပ် မနှောင်ဖွဲ့တော့ပဲ ဖြစ်လွယ်ပျက်လွယ်တဲ့ သဘောတရားကို နားလည် လက်ခံနိုင်ခဲ့ရင် အနည်းနဲ့ အများတော့ စိတ်သက်သာရာ ရလိမ့်မယ်လို့မျှော်လင့်မိပါတယ်။ ရေစက်ကြောင့်ပဲဆုံဆုံ ဝဋ်ကြွေးကြောင့်ပဲဆုံဆုံ အတတ်နိုင်ဆုံး စိတ်ကောင်းလေးတော့ ထားပေးလိုက်ပါ။ ဘဝမှာ တချို့အရာတွေက ကံစီမံရာအတိုင်း ရှောင်လွဲမရနိုင်တဲ့ အရာတွေ ဖြစ်နေလို့ပါပဲ......။ ဆိုးတဲ့ရေစက်တွေနဲ့ ဝေးကြပါစေကွယ် #creatorsearchinsights #foryou #fyp #myanmartiktok🇲🇲🇲🇲 #crd - @moemoethwe777