@aliimran_writes: دنیا کی سب سے خطرناک کشش یہ ہے کہ انسان اپنی خواہش کو ضرورت، اور اپنی خواہش کی تکمیل کو کامیابی سمجھنے لگتا ہے۔ ایک خواہش پوری ہوتی ہے تو دوسری پیدا ہو جاتی ہے، پھر تیسری، پھر چوتھی؛ اور انسان ساری عمر اسی جال میں الجھا رہتا ہے۔ مال چاہیے تو مزید مال، عزت چاہیے تو مزید شہرت، آسائش چاہیے تو مزید آسائش—اور یوں انسان دنیا حاصل کرنے کی کوشش میں خود اپنے اصل مقصد سے دور ہوتا چلا جاتا ہے۔ قرآن ہمیں یاد دلاتا ہے کہ جان رکھو کہ دنیا کی زندگی محض کھیل اور تماشا اور زینت (وآرائش) اور تمہارے آپس میں فخر (وستائش) اور مال واولاد کی ایک دوسرے سے زیادہ طلب (وخواہش) ہے (اس کی مثال ایسی ہے) جیسے بارش کہ (اس سے کھیتی اُگتی اور) کسانوں کو کھیتی بھلی لگتی ہے پھر وہ خوب زور پر آتی ہے پھر (اے دیکھنے والے) تو اس کو دیکھتا ہے کہ (پک کر) زرد پڑ جاتی ہے پھر چورا چورا ہوجاتی ہے اور آخرت میں (کافروں کے لئے) عذاب شدید اور (مومنوں کے لئے) خدا کی طرف سے بخشش اور خوشنودی ہے۔ اور دنیا کی زندگی تو متاع فریب ہے۔ (سورۃ الحدید 57:20)۔ مسئلہ دنیا کا ہونا نہیں، مسئلہ یہ ہے کہ دنیا دل کی منزل بن جائے۔ اس لیے دنیا سے بھاگو نہیں، بلکہ اُس کے فریب کو پہچانو۔ خواہشات کو اپنے اوپر حاکم نہ بناؤ، کیونکہ ہر خواہش پوری ہونا ضروری نہیں اور ہر چیز جو دل چاہے، ہمارے لیے بہتر بھی نہیں ہوتی۔ کبھی کسی چیز کا نہ ملنا بھی اللہ کی طرف سے حفاظت ہوتا ہے۔ یہ دنیا جال ہے اور خواہشیں اُس کا چارہ؛ جو ہر خواہش کے پیچھے بھاگتا رہے گا، وہ جال میں الجھتا جائے گا۔ دل کو دنیا سے نہیں، اُس ذات سے وابستہ کرو جس کے پاس دنیا بھی ہے اور آخرت بھی۔ #foryou

Elia

Open In TikTok:

Region: PK

Sunday 04 October 2026 17:40:33 GMT