@sror179: مرات في ناس بدخلوا حياتنا زي الحكاية… ما بنعرف جوا من وين، ولا لي جو ولا ليه مشوا بالسرعة دي. يمكن عشان كدا أغنية «فطومة» بتحرك حاجة جوانا… لأنها بتفكرنا بالناس البقوا جزء من ذاكرتنا، حتى لو ما كملوا معانا الطريق. نحن مرات بنكون زي الأطفال في الهوامش نحلم ونضحك ونفتكر إنو كل الحكايات ح نلقى نهايتها العايزنها… وبعد شوية نكتشف إنو في حكايات ما مكتوب ليها تكتمل، لكن مكتوب ليها تخلينا نتغير... وفي النهاية… ما كل زول دخل حياتنا كان جاي عشان يقعد،في ناس جو عشان يخلّوا فينا أثر،وفي ناس جو عشان نعرف نفسنا أكتر، وفي ناس كان لازم نحبهم في زمن معين،وبعدين نخليهم يمشوا. والحكاية البتنتهي ما معناها كانت غلط…يمكن كانت جميلة بالقدر البخليها تستاهل تفضل ذكرى 🤍

Reval

Open In TikTok:

Region: SD

Sunday 04 October 2026 19:32:55 GMT