@uwazi.online.tv: SSP DKT. KYOGO: WAUMINI WA DINI TUSHIRIKIANE KUDUMISHA AMANI NA USALAMA. Waumini wa Kanisa la Mbingu Duniani lililopo Engutoto, mkoani Arusha, wamepatiwa elimu kuhusu nafasi yao katika kuhamasisha amani, usalama na kukemea vitendo vya uhalifu katika jamii. Elimu hiyo imetolewa leo Oktoba 4, 2026, ikiwa ni sehemu ya kampeni ya “Arusha Salama.” Akitoa elimu hiyo, Mrakibu Mwandamizi wa Polisi (SSP) Dkt. Ezekiel Kyogo, akiambatana na wasanii mbalimbali kutoka kitengo cha ushirikishwaji wa Jamii, Kamisheni ya Polisi Jamii Makao Makuu Dodoma, amewataka waumini wa dini kutumia nafasi yao katika jamii kuhamasisha amani na usalama, kukemea vitendo vya uhalifu pamoja na kutoa taarifa kwa Jeshi la Polisi pindi wanapobaini viashiria vya uhalifu. SSP Dkt. Kyogo amesisitiza pia umuhimu wa waumini kuwa wazalendo kwa Taifa lao na kushirikiana na Jeshi la Polisi katika kujenga jamii yenye amani, utulivu na usalama, akieleza kuwa viongozi na waumini wa dini wana nafasi kubwa ya kufikisha ujumbe wa amani na maadili kwa jamii. Elimu hiyo imetolewa kupitia burudani kwa wakazi wa Engutoto, mkoani Arusha, ambapo wananchi wamehamasishwa kushiriki kikamilifu katika masuala ya usalama na kudumisha amani katika maeneo yao. Zoezi hilo ni sehemu ya kampeni ya “Arusha Salama” inayotekelezwa kwa kushirikisha jamii katika kuzuia na kukabiliana na uhalifu.#polisitanzania #uwazionlinetv

uwazi online tv

Open In TikTok:

Region: TZ

Sunday 04 October 2026 19:56:21 GMT