@xznmj4: #fyp #viral #music #كريم_منصور #كاظم_اسماعيل_الكاطع

STARK :

سَنة شفافِچ عَلىٰ شفافي بصَراحة الوَكت مو كافي ! أريد الشِتا يصير أربَع مَواسم يا حُضن دافي وأريد اللَيل سَبع سِنين والله يموّت الغافي مِن گال تعَبت ملّيت لو طال السفَر ويّاچ مِن روحي الخدَر ينزِل عَلىٰ الرِجلين وأمشي عَلىٰ الجَمر حافي ! ضعّفني الزَمن لكِن أكابِر بيه وأمشي بزود، مَشي إنسان مِتعافي لو خلّىٰ الزَمن ثُگله عَلىٰ چِتفي وداس أحِس ثُگل الجِبل ريشة عَلىٰ أچتافي ! لو ميّت وأمُر بشارِع مِشيناه أنسىٰ جَنازتي وتتحرّك أطرافي ! لو يُطفىٰ الضوا مِن السِما للگاع عَن بَيتي تِگول الناس عِنده گلوب ما طافي ! أتَباهىٰ لأن كِل الي أحبهِن بيچ مِن صار النَهر دِهلة برَبيعه الفات مدّيتي إيديچ ورَد نَبع صافي ! سَنة شفافِچ عَلىٰ شفافي بصَراحة الوَكت مو كافي !. - كاظم إسماعيل الگاطع