@samer.osama00: جبر الخواطر................ لمحتك… قلت يمكن ده البرّ البفتش عنو، بعد عمرٍ من الموج، والتعب، والترحال. لمحت في عينيك مرفأ، وفي ضحكتك ضوّ بعيد، زي نورٍ صغير بينادي زول تايه من آخر الليل. مدّيت ليك قلبي، زي غريق شاف النجاة قدامو، وتعلّقت فيك أكتر، كل ما البحر كان يعلى، وكل ما الموج كان يشتد. كل ما الريح تجي عكس أماني، كنت أشدّ على المجداف، وأقول: يمكن الطريق طويل… يمكن التعب كتير، لكن آخر الطريق… إنتِ. كنتِ الحلم البخلّيني أواصل، والأمل البخلّي الوجع يهون، وكل ما الدنيا تقول لي: «ارجع… ما حتوصل»، كانت عينيك تقول لي: «لسه… ما وصلنا.» عشان كدا لمحتك، ومن يومها ما بقيت أخاف من البحر، ولا من الريح، ولا من طول المسافة… بقيت أخاف من حاجة واحدة بس: إني أصل آخر الطريق، بعد كل التعب ده، وأمدّ يدي أفتش عليك… وما ألقاك. #مشاهيرـالسودان🇸🇩 #سودانيز_تيك_توك_مشاهير_السودان #مشاهير_السودان #مشاهير_التيك_توك #الخرطوم_السودان_الامارات_السعودية