@khuonphonrattanak: ពិធីបុណ្យភ្ជុំបិណ្ឌ ប្រពៃណីជាតិខ្មែរ នៅតំបន់ក្វាងជូធំ ខេត្ត Jeollanam-do សាធារណរដ្ឋកូរ៉េ នៅថ្ងៃអាទិត្យ ទី៤ ខែតុលា ឆ្នាំ២០២៦ ឯកឧត្តម ឃួន ផុនរតនៈ ឯកអគ្គរាជទូតកម្ពុជា ប្រចាំសាធារណរដ្ឋកូរ៉េ និងឯកឧត្តម សេង សក្តា រដ្ឋលេខាធិការ តំណាងឯកឧត្តម ហេង សួរ រដ្ឋមន្ត្រីក្រសួងការងារ និងបណ្តុះបណ្តាល វិជ្ជាជីវៈ ព្រមទាំងសហការី បានអញ្ជើញចូលរួមកម្មវិធីបុណ្យភ្ជុំបិណ្ឌ ដែលរៀបចំឡើងដោយ សហគមន៍កម្ពុជាឆុងណាំក្វាងជូ និងមានការចូលរួមពីសមាជិកសភាខេត្ត Jeollanam-do តំណាងអាជ្ញាធរខេត្ត និងអាជ្ញាធរមូលដ្ឋាន និង បងប្អូនសហគមន៍ខ្មែរ ដែលកំពុងរស់នៅ សិក្សា បម្រើការងារ នៅតំបន់ក្វាងជូធំ និងតំបន់ជុំវិញ ប្រមាណ ២០០០នាក់ ដោយបានចូលរួមប្រគេនចង្ហាន់-ទេយ្យទាន ដល់ព្រះសង្ឃតាមបែបសាសនា ដើម្បីឧទ្ទិសកុសលដល់បុព្វការីជន ជាពិសេសវីរកងទ័ពកម្ពុជា ដែលបានពលីជីវិតក្នុងជម្លោះព្រំដែនកម្ពុជា-ថៃ កន្លងមក ព្រមទាំងមានការសម្ដែងរបាំប្រពៃណី ស្តង់អាហារ និងរាំកំសាន្តចង្វាក់ប្រពៃណីយ៉ាងសប្បាយរីករាយ។ ឆ្លៀតក្នុងឱកាសនេះ ឯកឧត្តមឯកអគ្គរាជទូត បានសំណេះសំណាល និងសួរសុខទុក្ខបងប្អូនពលករ-ពលការិនី និងបងប្អូនសហគមន៍ខ្មែរផងដែរ។ ឯកឧត្តម បានសម្តែងនូវក្តីសោមនស្សរីករាយ និងកោតសរសើរចំពោះបងប្អូនសហមន៍ខ្មែរ ដែលបានសាមគ្គីភាពគ្នាជាធ្លុងមួយ រៀបចំពិធីបុណ្យភ្ជុំបិណ្ឌ ក្នុងស្មារតីសាមគ្គីរួបរួមជាតិ និងការគោរពដឹងគុណចំពោះវីរ:កងទ័ពកម្ពុជា ដែលបានពលីជីវិតនៅលើសមរភូមិ នាពេលកន្លងមក។ ក្នុងឱកាសនេះដែរ ឯកឧត្តមក៏បានលើកទឹកចិត្តឲ្យបងប្អូនប្រជាពលរដ្ឋខ្មែរ នៅក្នុងប្រទេសកូរ៉េ បន្តរក្សាអត្តសញ្ញាណជាតិ ប្រពៃណីវប្បធម៌ និងភាសាខ្មែរ ព្រមទាំងចូលរួមជាផ្នែកមួយក្នុងការពង្រឹងសាមគ្គីភាពជាតិ និងលើកកម្ពស់កេរ្តិ៍ឈ្មោះកម្ពុជាលើឆាកអន្តរជាតិ។ #korea #Cambodia #ពលករកូរ៉េ🇰🇷❤️🇰🇭 #ពលករខ្មែរនៅកូេរ៉ #ខ្មែរស្រលាញ់ខ្មែរ