@cawabemedia_: Wakulima wa tumbaku mkoani Tabora wamemlilia Waziri wa Kilimo, Daniel Chongolo, kuhusu mwenendo wa bei ya ununuzi wa zao hilo katika msimu wa kilimo wa 2025/2026, huku wakisema bado hawajapata taarifa za bei ya pembejeo kwa msimu mpya. Wakulima hao wameeleza changamoto hizo Oktoba 3, 2026, wakati wa kikao maalum cha kusikiliza na kutatua changamoto zao. Wamesema msimu uliopita walilazimika kuuza tumbaku kwa bei iliyokuwa chini ya bei elekezi ya Serikali ya dola 1.95 kwa kilo, hali waliyoeleza kuwa imeongeza mzigo wa gharama za uzalishaji na maisha. Akijibu malalamiko hayo, Waziri Chongolo amesema ndani ya siku 10 atakutana na wataalamu wa sekta ya tumbaku pamoja na wadau wengine ili kupitia changamoto hizo na kutafuta majawabu yatakayosaidia kuboresha hali ya wakulima. Aidha, amewahakikishia wakulima kuhusu upatikanaji wa pembejeo kwa msimu mpya. Kuhusu madai ya baadhi ya kampuni za ununuzi wa tumbaku kuwa na madeni kwa wakulima ambayo hayajalipwa tangu msimu uliopita, Waziri Chongolo amezitaka kampuni hizo kuhakikisha zinalipa fedha wanazodaiwa wakulima ndani ya siku 30, ili kuwawezesha kuendelea na shughuli zao za kilimo.

cawabemedia

Open In TikTok:

Region: TZ

Monday 05 October 2026 07:32:29 GMT