“သိန်း ၅,၀၀၀ ယူမလား၊ သိန်း ၁,၀၀၀ ယူမလား” လို့ အိပ်မက်ထဲမှာ မေးခံခဲ့ရပြီး “သိန်း ၁,၀၀၀ ပဲ ယူပါမယ်” လို့ ပြန်ဖြေခဲ့တဲ့ အသက် ၆၈ နှစ်အရွယ် ဦးကျော်စွာဟာ တကယ်ပဲ ကျပ်သိန်း ၁,၀၀၀ ဆုကြီး ကံထူးသွားခဲ့ပါတယ်။ ရန်ကုန်တိုင်း၊ ဒလမြို့နယ်၊ ရခိုင်ချောင်ကျေးရွာမှာ နေထိုင်တဲ့ ဦးကျော်စွာဟာ ၉၁ ကြိမ်မြောက် အောင်ဘာလေထီမှာ သိန်း ၁,၀၀၀ ဆုကို မမျှော်လင့်ဘဲ ဆွတ်ခူးခဲ့တာဖြစ်ပါတယ်။ စိတ်ဝင်စားစရာကောင်းတာက ထီဖွင့်မယ့်ရက် မတိုင်ခင် ရက်ပိုင်းအလိုမှာ အိပ်မက်တစ်ခု မက်ခဲ့တာပါ။ အဲဒီအိပ်မက်ထဲမှာ ပုဂ္ဂိုလ်တစ်ဦးက “သိန်း ၅,၀၀၀ ယူမလား၊ သိန်း ၁,၀၀၀ ယူမလား” လို့ မေးခဲ့ပြီး ဦးကျော်စွာကလည်း “၅,၀၀၀ ကတော့ များတယ်၊ ၁,၀၀၀ ပဲယူပါမယ် အဘရယ်။ နောက်များ ထိုက်တန်ရင်တော့ ၅,၀၀၀ ထပ်ရရင်ရပေါ့” လို့ ပြန်ဖြေခဲ့တယ်လို့ ဆိုပါတယ်။ အိပ်မက်ကတော့ ဝိုးတိုးဝါးတားနဲ့ သေချာမမှတ်မိပေမယ့် ထီဖွင့်ပြီးနောက်မှာတော့ အိပ်မက်ထဲက ပြောခဲ့တဲ့ “သိန်း ၁,၀၀၀” နဲ့ တကယ်ပဲ တိုက်ဆိုင်သွားခဲ့တာပါ။ အသက် ၆၈ နှစ်အရွယ်မှာ မမျှော်လင့်ထားတဲ့ လာဘ်လာဘကြီး ရရှိခဲ့တာကြောင့် အတိုင်းမသိ ဝမ်းသာမိတယ်လို့ ဦးကျော်စွာက ပြောပါတယ်။ အိပ်မက်ထဲမှာ ကြားခဲ့တဲ့ ဂဏန်းက တကယ့်လက်တွေ့မှာ ဆုကြီးအဖြစ် ပြန်ရောက်လာခဲ့တဲ့ ဦးကျော်စွာရဲ့ ကံထူးမှုကတော့ ထူးထူးခြားခြား ဖြစ်ရပ်တစ်ခုအဖြစ် စိတ်ဝင်စားစရာကောင်းနေပါတယ်။ #popular #viral #tiktokviral #creatorsearchinsights #understandtrendswithtako - @aung.lay.atu