@shebyranco: #HABARI: Mwili wa msichana Raiyan Hemed Amour, mwenye umri wa miaka 14, mkazi wa Kwale Mpona, Wilaya ya Wete, Mkoa wa Kaskazini Pemba, umeokotwa kichakani ukiwa umefariki, huku kiganja cha mkono wake mmoja kikiwa kimekatwa. Msichana huyo, ambaye alikuwa mwanafunzi na aliondoka nyumbani kuelekea shuleni siku ya Ijumaa, alidaiwa kutorejea nyumbani baada ya masomo. Baada ya kutoweka, mwili wake ulipatikana kichakani karibu na kijiji chao ukiwa umevaa sare za shule na ukiwa na jeraha kubwa kwenye mkono, ikiwemo kukatwa kwa kiganja. Tukio hilo limeibua hofu miongoni mwa wananchi, huku uchunguzi ukitarajiwa kufanyika ili kubaini chanzo cha kifo hicho na mazingira yaliyosababisha msichana huyo kupoteza maisha.