@teqvim.info: 🚩 Metroda qiymət artımına qarşı etirazdan 17 il keçir 🚇 5 oktyabr 2009-cu ildə bir qrup gənc Bakı metrosunda gediş haqqının üç dəfə artırılmasına etiraz olaraq aksiya keçirdi. 💰 Etirazlara səbəb 5 gün əvvəl - sentyabrın 30-da Tarif Şurasının qərarı ilə metroda gediş haqqının 5 qəpikdən 15 qəpiyə qaldırılması idi. Bununla metrodan istifadə qiyməti üç dəfə bahalaşmışdı. ✌︎㋡ Metropoliteninin o vaxtkı rəisi Tağı Əhmədov qiymət artımından sonra da “xərcin borcu ödəmədiyini” bildirmiş və dövlət dotasiyasına ehtiyac olduğunu demişdi. Qiymət artımının azgəlirli insanlara mənfi təsiri barədə iradlara cavab olaraq, onun özünəməxsus “Mən xahiş etməmişəm ki, metroya minsinlər” ifadəsi də müzakirələrə səbəb olmuşdu. 📢 5 oktyabrda gənc fəallar “Elmlər Akademiyası” metrosunun qarşısına toplaşdılar. Aksiya başlamazdan əvvəl BDU-nun binasından tələbələri etiraza çağıran vərəqələr səpələndi, daha sonra isə onlarla gənc metronun qarşısında plakatlar açaraq, Bakı Dövlət Universitetinə doğru yürüş etdi. 🪧 Etirazçılar “Metro xalqındır!”, “Metro qalxdı, xalq düşdü!” kimi şüarlar səsləndirir, qiymət artımının xüsusilə tələbələr və azgəlirli şəxslər üçün vəziyyəti ağırlaşdırdığını bildirirdilər. 🚔 Aksiya başa çatdıqdan sonra bəzi iştirakçılar etirazlarını “Elmlər Akademiyası” stansiyasının turniketlərindən ödəniş etmədən keçməklə davam etdi. Gənc fəallar Emin Əliyev və Loğman Qasımov polis tərəfindən saxlanıldı. 📅 Etiraz bununla bitmədi. Gənclər 13 oktyabrda Hüseyn Cavid parkında metro qiymətlərinə qarşı ikinci etiraz aksiyası keçirdilər. Bu dəfə polis aksiyaya müdaxilə etdi. Ombudsman Aparatının bildirdiyinə görə, iümumilikdə 11 nəfər saxlanılaraq, ki polis bölməsinə aparılmışdı. Onlardan üçü 20 manat cərimə edilmiş, digərləri xəbərdarlıq edilərək, azadlığa buraxılmışdı. 📈 Etirazlar nəticə vermədi, metroda gediş haqqı 15 qəpik olaraq qaldı. İki ildən sonra, 1 dekabr 2011-ci ildə isə tarif yenidən artırılaraq, 20 qəpik müəyyən edildi. 𐀪𐀪 5 oktyabr 2009-cu il aksiyası gənclərin və tələbələrin ictimai nəqliyyatın bahalaşmasına etiraz olaraq küçəyə çıxdığı nadir aksiyalardan biri kimi tarixdə qaldı.

Təqvim

Open In TikTok:

Region: CZ

Monday 05 October 2026 17:15:52 GMT