#Kiristaanii_tokko_siyaasa_keessa_seenee_hogganaa ta’uun cubbuu dha moo? 🤔✝️ Gaaffii kana yeroo baay’ee dhageenya. Namoonni tokko tokko, “Kiristaanni siyaasaa keessa hin seenu; amantii wajjin wal hin simuu” jedhu. Warri kaan immoo, “Kiristaaniinis biyya isaa fi uummata isaa tajaajiluu qabaa; kanaaf siyaasaa keessa seenuu danda’aa” jedhu. Anis isaan kana keessaa isa tokko. Dhugaan jiru garuu, Macaafni Qulqulluun maal nu barsiisa? 📖 Roomaa 13:1–4 keessatti, aangoo mootummaa fi itti gaafatamummaa isaa nu barsiisa. 📖 1Ximotewos 2:1–2 keessattis, warra aangoo irra jiran hundumaaf akka kadhannu nu barsiisa. Kanaaf, Kiristaanni hogganaa siyaasaa ta’uun ofiisaatiin cubbuu miti. Garuu aangoon itti gaafatamummaa guddaa of keessaa qaba. #Hogganaan_Kiristaanni_tokko: 👉Haqaan fi dhugaadhaaf dhaabbachuu qaba; 👉Uummata isaa tajaajiluu qaba; 👉Amanamaa ta’uu qaba; 👉Aangoo isaa faayidaa dhuunfaaf itti fayyadamuu hin qabu. 👉Amantiidhaan nama qooduu hin qabu. 👉Gandaan loogii gochuu hin qabu. Yesuusis akkana jedhe: 📖 “Namni isin keessaa guddaa ta’uu barbaadu, tajaajilaa keessan haa ta’u.” Maarqos 10:43 👉Kanaaf, gaaffiin guddaan “Kiristaanni siyaasa keessa seenuu danda’aa?” qofa miti. “Yoo aangoo argate, akkamitti itti fayyadamaa?” kan jedhuudha. 🙏 Ati maal yaadda? Kiristaanni tokko amantii isaa eeggatee, siyaasaa keessatti uummata isaa tajaajiluu ni danda’aa? 👇 Yaadakee koomentii keessa kaa'i! - @dr_pr_lola