ຄໍາເຕືອນ⁉️ ***ຂ່າວສະເທືອນໃຈຄົນລ້ຽງແມວ*** . ຕໍາຫລວດຫວຽດນາມ ຈັບແກ້ງລັກແມວ 12 ຄົນ ລັກແມວກວ່າ 2.000 ໂຕ ສົ່ງຂາຍໃຫ້ຮ້ານ . ຕຳຫລວດນະຄອນໂຮ່ຈີມິນ, ປະເທດຫວຽດນາມ ຈັບກຸມຜູ້ຕ້ອງສົງໄສ 12 ຄົນ ຫລັງຈາກພົບວ່າມີສ່ວນກ່ຽວຂ້ອງກັບຂະບວນການລັກແມວ ຈາກຫລາຍພື້ນທີ່ ເພື່ອນຳໄປຂາຍຕໍ່ໃຫ້ໂຮງຂ້າ ແລະ ຮ້ານອາຫານ. ໂດຍພົບວ່າມີແມວຖືກລັກ ແລະ ສົ່ງເຂົ້າສູ່ຂະບວນການຫລາຍກວ່າ 2,700 ໂຕ. . ຈາກການສືບສວນ, ເຈົ້າໜ້າທີ່ພົບວ່າເຄືອຂ່າຍດັ່ງກ່າວໄດ້ເລາະຈັບ ແລະ ລັກແມວຕາມເຂດຊຸມຊົນໃນຊ່ວງເວລາກາງຄືນ, ກ່ອນຈະນຳມາໂຮມກັນໄວ້ ແລະ ສົ່ງຕໍ່ໃຫ້ພໍ່ຄ້າຄົນກາງ ເພື່ອຂາຍຕໍ່ໃຫ້ໂຮງຂ້າ ແລະ ຮ້ານອາຫານທີ່ຈຳໜ່າຍຊີ້ນແມວ. . ໃນນັ້ນ, ຕຳຫລວດຍັງພົບແມວຈຳນວນໜຶ່ງຖືກຂັງໄວ້ຢ່າງອັດແໜ້ນ, ຫລາຍໂຕເສຍຊີວິດ ແລະ ຖືກແຊ່ແຂງໄວ້ເພື່ອລໍຖ້າການຈຳໜ່າຍ. ເຈົ້າໜ້າທີ່ຈຶ່ງໄດ້ເຂົ້າຊ່ວຍເຫລືອແມວທີ່ຍັງມີຊີວິດຢູ່ ແລະ ນຳໄປຮັກສາ, ພ້ອມທັງຂະຫຍາຍຜົນຫາຜູ້ທີ່ກ່ຽວຂ້ອງເພີ່ມເຕີມ. . ສ່ວນແມວທີ່ຍັງມີຊີວິດ ເຈົ້າຂອງໄດ້ເຂົ້າໄປພົວພັນ ແລະ ຮັບກັບບ້ານແລ້ວ, ແລະ ອີກສ່ວນໜຶ່ງທີ່ບໍ່ສາມາດຢືນຢັນໄດ້ແມ່ນ ຢູ່ໃນການຄຸ້ມຄອງຂອງເຈົ້າໜ້າທີ່. . ຕຳຫຼວດຫວຽດນາມລະບຸວ່າ: ເຖິງວ່າການບໍລິໂພກຊີ້ນໝາ ແລະ ຊີ້ນແມວຈະບໍ່ໄດ້ຜິດກົດໝາຍໂດຍກົງໃນປະເທດ, ແຕ່ການລັກສັດລ້ຽງ ແລະ ການຄ້າສັດໂດຍບໍ່ມີແຫລ່ງທີ່ມາທີ່ຖືກຕ້ອງ ຖືເປັນຄວາມຜິດ ຈຶ່ງຢູ່ໃນລະຫວ່າງການດຳເນີນຄະດີ ແລະ ຂະຫຍາຍຜົນເຄືອຂ່າຍທີ່ກ່ຽວຂ້ອງຕໍ່ໄປ. ທີ່ມາ: VNExpress #ລາວພັດທະນາ #สมชายแชร์ตะพึ่ด - @chai18995