@kbztainews: ၂၀၂၆ ခုနှစ်၊ အောက်တိုဘာလ ၆ ရက် . ရှမ်းပြည်နယ်အရှေ့ပိုင်း၊ ကျိုင်းတုံမြို့တွင် ယမန်နေ့ အောက်တိုဘာလ ၅ ရက်၊ ညနေပိုင်းက တာချီလိတ်မှ သယ်ဆောင်မောင်းနှင်လာသည့် လိုင်စင်မဲ့ကားတစ်စီး ဖမ်းဆီးခံခဲ့ရကြောင်း သိရသည်။ . အမှတ် (၁၉) ယာဉ်ထိန်းရဲဒုတပ်ဖွဲ့ခွဲ၊ အမှတ် (၁၂၀)ယာဉ်ထိန်းရဲတပ်ဖွဲ့စု (ကျိုင်းတုံ)မှ တပ်ဖွဲ့ဝင်များသည် ယမန်နေ့ အောက်တိုဘာလ ၅ ရက်၊ ညနေ ၆ နာရီခန့်က ကျိုင်းတုံမြို့၊ နောင်နွန်း ပူးပေါင်းစစ်ဆေးရေးဂိတ် တွင် ယာဉ်စည်းကမ်း/လမ်းစည်းကမ်း ထိန်းသိမ်းရေးတာဝန်ဆောင်ရွက်နေစဉ် တာချီလိတ်မြို့မှ ကျိုင်းတုံမြို့သို့ မောင်းနှင်လာသည့် Toyota Dyna အဖြူရောင်အား တားဆီးစစ်ဆေးခဲ့ကြောင်း သိရသည်။ . ထိုသို့ စစ်ဆေးရာတွင် ယာဉ်မောင်းနှင်သူမှာ တာချီလိတ်မြို့နေ အောင်ဆန်းဦး ဆိုသူဖြစ်ကြောင်း သိရပြီး ယာဉ်နှင့် ပတ်သက်သည့် အထောက်အထား တစ်စုံတစ်ရာ ပြသနိုင်ခြင်း မရှိဘဲ တာချီလိတ်မြို့မှ ကာလိမြို့သို့ ပို့ဆောင်ရောင်းချရန် သယ်ယူလာခြင်းဖြစ်ကြောင်း စစ်ဆေးပေါ်ပေါက်ခဲ့သည်ဟု သိရသည်။ . လိုင်စင်မဲ့ယာဉ် နှင့်အတူ ဖမ်းဆီးရမိသူ ယာဉ်မောင်း အောင်ဆန်းဦး အား ကျိုင်းတုံမြို့မရဲစခန်းတွင် ပို့ကုန်သွင်းကုန် ဥပဒေ ပုဒ်မ ၈ အရ အမှုဖွင့်အရေးယူ ဆောင်ရွက်လျက်ရှိကြောင်း သိရသည်။ . အဆိုပါ လိုင်စင်မဲ့ယာဉ် ဖမ်းဆီးရမိမှု အခြေအနေနှင့်ပတ်သက်၍ သိရှိနိုင်ရန် ကျိုင်းတုံမြို့မရဲစခန်းမှ တာဝန်ရှိသူအား ဆက်သွယ်မေးမြန်းရာတွင် ဆက်သွယ်၍ မရခဲ့ချေ။ . https://shorturl.at/c8qCg . #KBZTai #Shan #KyaingTong .

KBZTai News

Open In TikTok:

Region: MM

Tuesday 06 October 2026 04:15:51 GMT