@bakuplus.az: Azərbaycan kinosunun ən yaddaqalan xarakter aktyorlarından biri Kamil Məhərrəmovun bu gün anım günüdür. Kamil Məhərrəmov 1941-ci il mayın 6-da Bakıda dünyaya göz açıb. Onun iki rolunu xatırlamaq kifayətdir: “Yol əhvalatı” filmindəki Paşa və “Evlənmək istəyirəm”də Şamilin tapıb gətirdiyi tütək çalan yetim Hüseyn. Kamil Məhərrəmov “Azərbaycanfilm”də 46 bədii filmə çəkilib. “Mozalan” süjetlərində də yaddaqalan obrazlar yaradıb. Uzunqulağın belində, qucağında radio, xarici musiqi dinləyən Kamil də tamaşaçıların yaddaşında qalan kadrlardandır. O, epizodik və xarakterik rolların ustası idi. Fazil Salayev, Məmmədsadıq Nuriyev, Ağahüseyn Cavadov kimi aktyorlarla eyni məktəbin nümayəndəsi sayılırdı. Kiçik bir obrazla xarakter yaratmaq xüsusi istedad tələb edir. Kamil bunu mimikası, davranışı və ifası ilə bacarırdı. Təəssüf ki, istedadı layiqincə qiymətləndirilmədi, fəxri ad almadı və geniş şöhrət qazanmayıb. Şamaxıda sadə ailədə böyüyən Kamil uşaqlıqdan teatra maraq göstərib. Bakıya köçdükdən sonra Lütfi Məmmədbəyovun teatr dərnəyinə gedib. Onun istedadını görən Lütfi Məmmədbəyov aktyor olmasını məsləhət bilib. Kamil əvvəl Energetika texnikumuna daxil olsa da, sonra İncəsənət İnstitutuna qəbul edilib. İnstitutu bitirdikdən sonra Sumqayıt teatrında çalışmağa başlayıb. Həyat yoldaşı Mahirə xanımla uşaqlıqdan tanış olub. İki övladları olub. Lakin Kamilin a!**k0qoldan asılılığı həm ailə, həm də sənət həyatını getdikcə çətinləşdirib. Rejissor Cahangir Mehdiyev onun çox istedadlı aktyor olduğunu, amma içki səbəbindən bir sıra rolları itirdiyini deyib. 1993-cü ilin soyuq oktyabrında Kamil Məhərrəmov teatr avtobusunda yuxuya gedib. Sürücü onu oyada bilməyib və avtobusdan düşərkən qapını açıq saxlayıb. Səhər aktyoru oturacaqda ö!**müş vəziyyətdə tapıblar. Onun həyatı istedadın, diqqətsizliyin və asılılığın ağrılı hekayəsi olaraq qaldı. Həyat yoldaşı illər sonra belə deyirdi: “Bu gün həyatım təkrar olunsa, yenə o adamla ailə qurar, bu qədər zülmə rəğmən yenə ona ərə gedərdim”. #aktyor #kamilməhərrəmov #teatr #şamaxı #bakuplusaz

BakuPlus.az

Open In TikTok:

Region: AZ

Tuesday 06 October 2026 05:29:23 GMT