@mxd_dxb: ദുബൈയിൽനിന്ന് തെല്‍ അവീവിലേക്ക് പറന്ന ഫ്ലൈദുബൈ യാത്രാവിമാനത്തിൽ സഹപൈലറ്റ് ക്യാപ്റ്റനെ കുത്തിവീഴ്ത്തിയ സംഭവത്തിൽ അതീവ നിർണായകവും ഭീതിജനകവുമായ വെളിപ്പെടുത്തൽ. വിമാനം ഭീകരർ റാഞ്ചിയെന്ന് ഉറപ്പായാൽ, 150-ലധികം ഇസ്രയേൽ പൗരന്മാർ ഉൾപ്പെടെ 170 യാത്രക്കാരുമായി പറക്കുന്ന യാത്രാവിമാനത്തെ ആകാശത്തുവച്ച് മിസൈൽ അയച്ച് വെടിവച്ചിടാൻ ഇസ്രയേൽ സൈന്യം നീക്കം നടത്തിയതായി റിപ്പോർട്ട്. സെപ്റ്റംബർ 11 മാതൃകയിൽ തെല്‍ അവീവിലെ ജനവാസ മേഖലകളിലോ വിമാനത്താവളത്തിലോ വിമാനം ഇടിച്ചിറക്കുന്നത് തടയാൻ സ്വന്തം പൗരന്മാരുടെ ജീവൻ ബലികൊടുത്തും വിമാനം ആകാശത്തുതന്നെ തകർക്കാനായിരുന്നു ഇസ്രയേലിന്റെ അതീവ രഹസ്യ നീക്കം. എന്നാൽ വിമാനം സൗദി അറേബ്യൻ വ്യോമാതിർത്തിയിലേക്ക് തിരിഞ്ഞതോടെയാണ് വിമാനം ആകാശത്തുവച്ച് തകർക്കാനുള്ള നീക്കത്തിൽ നിന്ന് ഇസ്രയേൽ വ്യോമസേന പിന്മാറിയത്. അമേരിക്കൻ മാധ്യമം 'സിബിഎസ് ന്യൂസ്’ ആണ് ഈ വിവരങ്ങൾ പുറത്തുവിട്ടത്. കഴിഞ്ഞയാഴ്ച ദുബൈയിൽനിന്ന് തെല്‍ അവീവിലെ ബെൻ ഗുറിയോൺ വിമാനത്താവളത്തിലേക്ക് പുറപ്പെട്ട എഫ്ഇസഡ് 1073 വിമാനമാണ് ആകാശമധ്യേ ഭീകരാന്തരീക്ഷത്തിൽ പെട്ടത്. ഒമാൻ പൗരനായ സഹപൈലറ്റ് ഹമാം അൽ ഹമാമി ഇന്ത്യൻ വംശജനായ ക്യാപ്റ്റനെ മൂർച്ചയേറിയ ആയുധം കൊണ്ട് കുത്തിപ്പരിക്കേൽപ്പിച്ച ശേഷം വിമാനം അതിവേഗത്തിൽ താഴേക്ക് പതിപ്പിക്കുകയായിരുന്നു. ഒരു മിനിറ്റിനുള്ളിൽ വിമാനം 14,000 അടിയോളം കുത്തനെ താഴേക്ക് പതിച്ചു. ഇതോടെ കോക്പിറ്റിൽ നിന്ന് അടിയന്തര സിഗ്നലുകൾ നിലയ്ക്കുകയും ആശയവിനിമയം പൂർണമായി തടസ്സപ്പെടുകയും ചെയ്തു. തെല്‍ അവീവിലെ പ്രശസ്തമായ അസ്രിയേലി വാണിജ്യ സമുച്ചയങ്ങളിലേക്കോ ബെൻ ഗുറിയോൺ വിമാനത്താവളത്തിലേക്കോ വിമാനം ഇടിച്ചിറക്കി വൻ നാശനഷ്ടം ഉണ്ടാക്കാനാണ് ഭീകരർ ലക്ഷ്യമിടുന്നതെന്ന നിഗമനത്തിലാണ് ഇസ്രയേൽ പ്രതിരോധ സംവിധാനങ്ങൾ എത്തിയത്. ജനവാസ കേന്ദ്രങ്ങളിൽ വിമാനം പതിച്ചാൽ നൂറുകണക്കിന് ആളുകൾ കൊല്ലപ്പെടുമെന്ന ഭയത്താൽ, യാത്രക്കാരുള്ള വിമാനം ആകാശത്തുവെച്ച് തന്നെ തകർക്കാൻ നിഷ്കർഷിക്കുന്ന പ്രത്യേക സൈനിക പ്രോട്ടോക്കോൾ ഇസ്രയേൽ അടിയന്തരമായി സജീവമാക്കുകയായിരുന്നു. സംഭവത്തെത്തുടർന്ന് ഇസ്രയേലിന്റെ വ്യോമാതിർത്തി പൂർണമായി അടയ്ക്കുകയും പ്രത്യേക സൈനിക കൺട്രോൾ റൂം തുറക്കുകയും ചെയ്തു. പ്രധാനമന്ത്രിയുടെ അന്തിമ അനുമതിക്കായി കാത്തുനിന്നുകൊണ്ട് ഇസ്രയേൽ വ്യോമസേനയുടെ അത്യാധുനിക പോർവിമാനങ്ങൾ ആകാശത്തേക്ക് കുതിച്ചുയർന്നു. വിമാനം ജോർദാൻ വ്യോമാതിർത്തി വഴി ഇസ്രയേലിന്റെ നിശ്ചിത സുരക്ഷാ പരിധിയിലേക്ക് അടുത്താൽ ഉടൻ തന്നെ യുദ്ധവിമാനങ്ങൾ വിമാനത്തെ തടയാനും ആവശ്യമെങ്കിൽ വെടിവച്ചിടാനുമായിരുന്നു നിർദേശം. #video #videoviral #viral #viralvideo #fyp

MxD DxB

Open In TikTok:

Region: AE

Tuesday 06 October 2026 09:21:27 GMT