මේක ඇත්තටම මම මගේ ජීවිත කාලය ඇතුළේ දාන්න වෙයි කියලා හිතපු Post එකක් නෙවෙයි. අද ඔය ඥාණසාර හාමුදුරුවන්ට හිනාවෙන, උන්වහන්සේට හොඳ වැඩේ කියන අය ඥාණසාර හාමුදුරුවෝ සිංහලේ සඟ රජ කියලා හිස මුඳුනේ තියාගෙන හිටපු කාලේ මම උන්වහන්සේගේ ශ්‍රාවකයෙක්වත් අනුගාමිකයෙක්වත් වෙලා හිටියේ නැහැ. මම ඇත්තටම ඥාණසාර හාමුදුරුවෝ එදා කියපු කතාව ගැන උනන්දුවෙන් සවන් නොදුන් තරුණයෙක්. හැබැයි අද මම උන්වහන්සේ කියන්න හදපු දේ ගැන උනන්දුවෙන් අහන කෙනෙක්. හොයන කෙනෙක්. ලෝකය පුරාම උන්වහන්සේ කතා කරපු අනතුර ගැන ඒ ඒ රටවල් වල ප්‍රධාන සංස්කෘතිය, සභ්‍යත්වය නිර්මාණය කරපු ඒ ඒ ශිෂ්ඨාචාරවල ඓතිහාසික උරුමකරුවන් කතා කරන විදිය සහ සටන් කරන විදිය දිහා බලාගෙන ඉන්න කෙනෙක්. අපිට සමහර දේවල් ගැන තියෙන කියවීම කාලයත් එක්, වයසත් එක්ක වගේම අපිට මඟහැරුණු දැනුමක්, කලාපයක් විවෘත වෙනකොට වෙනස් වෙනවා. ඊයේ ඥාණසාර හාමුදුරුවෝ හිරගෙදර අරගෙන ගියා. යම් දුකක් දැනුණත් ඒක මේ තරම්ම මගේ හදවත පුපුරවා හරින්න සමත් වුණේ නැහැ. හැබැයි අද උන්වහන්සේගේ සිවුර ගලවලා මාංචු දාලා අධිකරණයට අරන් එන ඡායාරූප, වීඩියෝ පට කිහිපයක් දැක්කා. ඒ වෙලාවේ තමයි මගේ ජානවල, මගේ ලේ වල, මගේ හදවතේ මමවත් හරියටම නොදන්නා තැනක සැඟවිලා හිටපු ඓතිහාසික බෞද්ධ ආත්මය පුපුරලා ගියේ. ඊයේ උන්වහන්සේ හිරගෙදරට අරගෙන ගියපු එක දරාගත්තට ඥාණසාර හාමුදුරුවන්ගේ බෞද්ධ චීවරය ගලවලා තියෙනවා දැක්කම අන්න ඒක ඇත්තටම දරාගන්න බැරි වුණා. මං දැක්කා ඒකටත් හිනාවෙලා තිබුණු, සමච්චලය කරලා තිබුණු, හොඳ වැඩේ, මරු වැඩේ කියලා සතුටු වුණු පිරිස් හිටියා. හැබැයි ඒ කිසිම කෙනෙක් නමට උප්පැන්න සහතිකයෙන් සිංහල කියලා ලියවිලා තිබුණට ජානවලින්, සංස්කෘතියෙන්, ලේ වලින් සිංහල බෞද්ධ වෙන්න බැහැ. කවුරු කැමති වුණත් අකමැති වුණත් මේක තමයි අද ඉඳන් මේ රටේ අනාගත දේශපාලනය බෙදෙන ඉර. ඉදිරියේදී මේ රටේ දේශපාලනය කියන්නෙ ගලගොඩඅත්තේ ඥාණසාර හාමුදුරුවන්ගේ බුද්ධ චීවරය ගලවපු එකට හිනාවෙන, සතුටු වෙන කඳවුර සහ ගලගොඩඅත්තේ අත්තේ ඥාණසාර හාමුදුරුවන්ගේ බුද්ධ චීවරය ගලවපු එකට හදවත කම්පනය වුණු පිරිස අතර මහා සටන. අද ඉඳන් මම ඉතා පැහැදිළිවම, හරි නිශ්චිතව දෙවන කදවුරේ කොන්දේසි විරහිතව හිටගන්නවා!!! #srilankan_tik_tok🇱🇰 #truthbetold #politicsunfiltered #fypシ゚viral #foryou @🇱🇰❤️Nima✨❤️ @sankachandima @Akila Perera @කේසර ලංකා🦁🦁 @SD @Manik Perera 🇱🇰 @BAMUNU @🌀PARO 🌀777 111🇱🇰🇦🇪 @Nuwanidu@83 - @desilva_nc