@adamelyass: فكرة إنو الواحد يلقى طرف يشاركو كل تفاصيل حياتو دي فكرة مُبهجة جداً. يلقى إنسان يقاسمو تعب الأيام، خوف السنين، الفرح الجميل والحزن النبيل. يكون بالنسبة ليهو الكتف البيتسند عليهو والحُضن البحتويهو ومحطة الأمان في عز الخوف المُحاط بيهو. زول يكون عارف ومقتنع تماماً بإنك حاجة حلوة في حياتو حتى وأنت في عز إنطفائك. -تخيل تكون شايل جواك أخبار حلوة شديد بس ما تلقى زول تحكي ليهو عن أفراحك دي؟ -وتخيل معاي تاني إنو فجأة قلبك يبقى مليان بالزعل والخوف وما تعرف تمشي لمنو عشان يطمنك ؟ = كلمني وقتها كيف حيكون شعورك ؟ شعور الإحتياج دا شعور قاسي جداً، زي كأنك تكون مُحتاج لزول يكون جنبك بس للأسف أنت ما عارف الزول دا منو ؟ الحياة دي قاسية جداً علشان كدا الواحد مُحتاج لرفيق لطيف ظريف، يسند، يدعم، يفتخر بيك وبأصغر إنجازاتك، يحاوطك بالأمان والحُب. يا سيد قلبي ويا كل الناس ! عاوزاك معاي سُكر لليالي المُرة ورفيق للمشاوير الطويلة أشاركك خوفي وتهديني بدالو وردة وريدة كتيرة !)) 🌸❤️

450

2026-10-06 12:14:35

To see more videos from user @adamelyass, please go to the Tikwm homepage.