#ጉዞ_መልካም_ወጣት የመልካም ወጣት የ 9 ዓመታት የድልጉዞ ባለፉት 9 ዓመታት በሐገር ውስጥ እና በውጭ ሐገር እንዲሁም በማርሲል ቲቪ ጨምሮ ከ500,000 በላይ ወጣቶችን ያሳተፈ ፣ወጣቶችን ከራሳቸው አልፈው ለቤተሰብ እና ለሀገር ጠቃሚ ዜጋ እንዲሆኑ የሰራ እና ከ60,000 በላይ ሰዎች ጌታን እንደግል አዳኛቸው እንዲቀበሉ ምክንያት የሆነው የመልካም ወጣት አገልግሎት በሀዋሳ 5ሺ ሰዎችን የሚይዝ አዳራሽ ተገንብቶ ማለቁን እና 15,000 ሰዎችን ወደ ሚይዝ አዳራሽ ለማሳደግ ግንባታ እየተካሄደ እንደሆነ፣ ከ 5 ባለ 5ወለል የተማሪዎች ማደርያ ሕንፃዎች ውስጥ 3ቱ ግንባታቸው ተጠናቆ የፊኒሺንግ ስራ ሲቀራቸዉ 2ቱ በግንባታ ላይ እንደሚገኙ፣ 10ሺ ሰዎችን የሚይዝ በመልካም ወጣት ግቢ የሚገኝ አሬና ተገንብቶ እንደተጠናቀቀ እንዲሁም የአዕምሮ እና ሰውነት ማጐልመሻ ስፍራ ግንባታ እየተካሄደ እንደሆነ ተገልጿል። ሙሉ በሙሉ ግንባታውን ለማጠናቀቅ በቀጣይ 10 ወራት በጅማ፣ ቦንጋ፣ ቡታ ጅራ፣ ባስኬቶ፣ ዳውሮ፣ ጅጅጋ፣ ጊዶሌ፣ ሻኪሶ፣ ሳውላ እና ቡሌ ሆራ እና ሌሎች ከተሞች ታላቅ የገቢ ማሰባሰቢያ ጉዞ ያደርጋል።ይህ ጉዞ የወጣቱን ትውልድ ለመገንባት የሚደረግ የጋራ ጉዞ እንደሆነ በመግለፅ በነዚህ ከተማዎች የምትገኙ ማህበረሰብ ሁሉ በጸሎት ፣ በገንዘብ፣ በበጎ ፈቃድ እና በአቅማችሁ ሁሉ አብራችሁን እንድትቆሙ ሲሉ ጥሪያቸውን አቅርበዋል @Marsil_TV_Ethiopia - @alazar_belay