မနက်ဖြန်နံနက်မြန်မာစံတော်ချိန် ၅ နာရီခွဲမှာ သူ့ကို အာဂျင်တီးနားဂျာစီနဲ့ ကျနော်တို့နောက်ဆုံးမြင်တွေ့ရတော့မယ်။ မာရာဒိုနာကိုအားကျတဲ့ ရိုဆာရီယိုကကောင်လေးတစ်ယောက် ဟော်မုန်း ချို့တဲ့မှုကြောင့်ဘောလုံးသမား ဖြစ်မလာနိုင်တဲ့အခြေအနေကနေ ကယ်တင်ပေးခဲ့တဲ့ ဘာစီလိုနာကို ဘယ်တော့မှသစ္စာမဖောက်ခဲ့သူ။ ကြယ်စင်စုအတွဲအဖက်နဲ့ကမ္ဘာ့ဖလားရယူနိုင်ချေ အမြင့်ဆုံး စပိန်အသင်းကို ရွေးချယ်ခွင့်ရှိနေခဲ့ပေမယ့် အမိမြေကိုကျောခိုင်းမသွားခဲ့သူ။ မာရာဒိုနာရဲ့ လွှမ်းမိုးမှုတွေအောက်မှာ မင်းဟာ နိုင်ငံအသင်းနဲ့ဆို ဘာမှအဖြစ်ရှိတဲ့ကောင် မဟုတ်ပါဘူး ဆိုတဲ့ ထိုးနှက်ချက်တွေကို ခါးစည်းခံခဲ့ရသူ။ ငါတို့ အာဂျင်တီးနားမှာဘောလုံးနတ်ဘုရားက တပါးပဲ ရှိတယ်၊ အဲ့ဒါ မာရာဒိုနာ။ဘာစီလိုနာမှာပဲအသုံးကျတဲ့ မင်းကို နိုင်ငံအသင်းက အလိုမရှိတော့ဘူးလို့ အာဂျင်တီးနား ပရိသတ်တွေ ဝေဖန်ချိန်မှာ အသင်းကနေ ထွက်ခွာပေးခဲ့သူ။ " ငါတို့မင်းကို လိုအပ်ပါတယ် လီယိုရေ" လို့ ပြောတာနဲ့ မတုံ့မဆိုင်းပဲ ပြန်လာပေးခဲ့သူ။ ဒီလို ထိုးနှက်မှုတွေ အောက်မှာ ကြံ့ကြံ့ခံရင်း အာဂျင်တီးနားအတွက် ကမ္ဘာ့ဖလားအပါအဝင် အဓိကဖလား ၄ လုံးအထိရယူပေးနိုင်ခဲ့သူ။ အာဂျင်တီးနားနိုင်ငံအနှံ့က "Messi Messi Messi" ဆိုတဲ့ကြွေးကြော်သံတွေဟာ နောက်မျိုးဆက်များစွာတိုင်အောင် ပဲ့တင်ထပ်နေတော့မှာပါ။ Buenos Aires မြို့က Estadio Monumental ကွင်းကြီးထဲမှာ "Messi Messi" ဆိုတဲ့အသံတွေ လွှမ်းခြုံထားမှာဖြစ်သလို ငါတို့ ရင်ထဲမှာလည်း Messi ဆိုတဲ့အမည်နာမကဘယ်တော့မှပျောက်ကွယ်သွားမှာ မဟုတ်ပါဘူး။ King Of Football (KOF) #Goat #Messi #မြင်ပါများပီးချစ်ကျွမ်းဝင်အောင်လို့🤒🖤 #ဒီတစ်ပုဒ်တော့fypပေါ်ရောက်ချင်တယ် - @dream..890