@sammanthurai_trend: “வலுவான வீடு – வளமான வாழ்க்கை” – சம்மாந்துறையில் பயனாளிகளுக்கு வீடுகள் கையளிப்பு சம்மாந்துறை TREND Tue, Oct 06 - 2026 உலக குடியிருப்பு தினத்தை முன்னிட்டு “வலுவான வீடு – வளமான வாழ்க்கை” என்ற தொனிப்பொருளின் கீழ், சம்மாந்துறை பிரதேச செயலாளர் பிரிவுக்குட்பட்ட பல பகுதிகளில் நிர்மாணிக்கப்பட்ட வீடுகள் நேற்று (05.10.2026) பயனாளிகளின் பாவனைக்காக உத்தியோகபூர்வமாக கையளிக்கப்பட்டன. இத்திட்டத்தின் கீழ் நிர்மாணிக்கப்பட்ட ஒவ்வொரு வீட்டிற்கும் தலா 10 இலட்சம் ரூபாய் நிதி ஒதுக்கீடு செய்யப்பட்டுள்ளதாக தெரிவிக்கப்பட்டுள்ளது. சம்மாந்துறை பிரதேச செயலாளர் பிரிவுக்குட்பட்ட வளத்தாப்பிட்டி, மல்வத்தை, மல்லிகைத்தீவு, மஜீட்புரம், வீரமுனை, புளக் ஜே கிழக்கு 01 மற்றும் மலையடி 04 ஆகிய பகுதிகளில் இந்த வீடுகள் பயனாளிகளிடம் கையளிக்கப்பட்டன. வீடுகளைப் பெற்றுக்கொண்ட பயனாளிகள், தங்களது நீண்டகால வீடமைப்புத் தேவையை பூர்த்தி செய்யும் வகையில் இத்திட்டம் முன்னெடுக்கப்பட்டமைக்கு நன்றி தெரிவித்தனர். இந்தக் கையளிப்பு நிகழ்வுகளில் பாராளுமன்ற உறுப்பினர் கௌரவ அபூபக்கர் ஆதம்பாவா, தேசிய மக்கள் சக்தியின் சம்மாந்துறை அமைப்பாளரும், கிளீன் ஸ்ரீலங்கா ஜனாதிபதி செயலகத்தின் சம்மாந்துறை பிரதேச இணைப்பாளரும், பிரதேச சபை உறுப்பினருமான கௌரவ வை.பி. நபாஸ், பிரதேச சபை உறுப்பினர் எஸ். டனோஜன் உள்ளிட்டோர் கலந்துகொண்டனர். மேலும், பிரஜா சக்தி தவிசாளர்கள், பொதுமக்கள், வீடமைப்பு அதிகார சபையின் பொறியியலாளர் பாஹிம், தொழில்நுட்ப உத்தியோகத்தர் அபூபக்கர், கிராம உத்தியோகத்தர்கள், சமூக வலுவூட்டல் உத்தியோகத்தர்கள் உள்ளிட்ட பலரும் நிகழ்வுகளில் பங்கேற்றனர். உலக குடியிருப்பு தினத்தை முன்னிட்டு முன்னெடுக்கப்பட்ட இவ்வாறான வீடமைப்புத் திட்டங்கள், தேவையுடைய மக்களுக்கு பாதுகாப்பான மற்றும் வசதியான குடியிருப்புகளை ஏற்படுத்திக் கொடுப்பதை நோக்கமாகக் கொண்டுள்ளமை குறிப்பிடத்தக்கது. ♡ ⎙ ➦ ʳᵉᵃᶜᵗ ˢᵃᵛᵉ ˢʰᵃʳᵉ For more update !! Join Our `WhatsApp Groups Group No . 17/19 https://chat.whatsapp.com/D6xzO4EYXm74WoQAi350pg?s=cl&p=a&ilr=4&iam=0 *றிகாஷ் எம். அலியார்*

சம்மாந்துறை TREND

Open In TikTok:

Region: LK

Tuesday 06 October 2026 15:23:40 GMT